MB NEWS-उद्या परळीत भाजपचेही आंदोलन
उद्या परळीत भाजपचेही आंदोलन
परळी वैजनाथ, प्रतिनिधी....
महाराष्ट्र प्रदेश भाजप च्या वतीने बारा आमदारांच्या निलंबन प्रकरणी राज्य सरकारचा निषेध करण्यात येत आहे.त्याअनुषंगाने परळीतही भाजपच्या वतीने उद्या मंगळवारी निषेध आंदोलन करण्यात येणार आहे.
महाराष्ट्र विधानमंडळ अधिवेशनाच्या पहिल्याच दिवशी लोकशाहीला टाळे ठोकण्यासाठी भारतीय जनता पार्टीच्या निर्दोष बारा आमदारांना एक वर्षासाठी निलंबित करण्यात आले आहे.या घटनेचा निषेध करण्यासाठी पंकजाताई मुंडे व खा. डॉ. प्रितमताई मुंडे यांच्या सूचनेनुसार दिनांक 6 जुलै मंगळवार रोजी सकाळी 11 वाजता तहसील कार्यालय येथे आघाडी सरकारच्या विरोधात निषेध आंदोलनकरण्यात येणार आहे.
तरी परळी विधानसभा मतदार संघातील भाजपाचे ज्येष्ठ नेते ,भाजपा युवा मोर्चा महिला आघाडी, अल्पसंख्यक मोर्चा, लोकप्रतिनिधी, नगरसेवक, प्रभाग प्रभारी शक्ती केंद्रप्रमुख, बुथ प्रमुख, सर्व संस्थांचे संचालक, पदाधिकारी व कार्यकर्त्यांनी उपस्थित रहावे असे आवाहनभाजपा तालुकाअध्यक्ष सतिष मुंडे,शहराध्यक्ष जुगलकिशोर लोहिया व पदाधिकारी यांनी केले आहे.
टिप्पण्या
टिप्पणी पोस्ट करा