MB NEWS- *महिला महाविद्यालयात कार्यालयीन अधिक्षक प्रमोद पत्की यांचा सेवानिवृत्ती निमित्त सेवागौरव संपन्न*

 *महिला महाविद्यालयात कार्यालयीन अधिक्षक प्रमोद पत्की यांचा सेवानिवृत्ती निमित्त सेवागौरव संपन्न*

परळी वैजनाथ दि.०२ (प्रतिनिधी)

        येथील लक्ष्मीबाई देशमुख महिला महाविद्यालयातील महाविद्यालयाच्या स्थापनेपासूनचे कार्यालय अधिक्षक प्रमोद पत्की यांच्या सेवानिवृत्त निमित्त सेवागौरव कार्यक्रमाचे आयोजन करण्यात आले होते. यावेळी प्रमोद पत्की यांचा सपत्नीक मान्यवरांच्या उपस्थितीत सेवागौरव करण्यात आला.

             शहरातील लक्ष्मीबाई देशमुख महिला महाविद्यालयात स्थापनेपासूनचे कार्यालयीन अधिक्षक म्हणून महाविद्यालयात सेवा केली. बुधवारी (ता.३०) नियत वयोमानानुसार सेवानिवृत्ती झाली. यानिमित्त महाविद्यालयाच्या वतीने शुक्रवारी (ता.०२) सेवागौरव कार्यक्रमाचे आयोजन करण्यात आले होते. कार्यक्रमाच्या सुरुवातीला संस्थेचे दिवंगत संस्थापक अध्यक्ष शामराव देशमुख यांच्या प्रतिमेचे व सरस्वती पुजन मान्यवरांच्या हस्ते करण्यात आले. यानंतर कार्यालयीन अधिक्षक प्रमोद पत्की यांचा सपत्नीक सेवागौरव व सन्मानपत्र देवून सत्कार करण्यात आला. उपस्थित मान्यवर व महाविद्यालयातील शिक्षक व शिक्षकेत्तर कर्मचारी यांनी श्री.पत्की यांच्या बदल मनोगत व्यक्त केले. यावेळी संस्थेचे अध्यक्ष संजय देशमुख, सचिव रवींद्र देशमुख, कोषाध्यक्ष प्रा.प्रसाद देशमुख प्राचार्य लक्ष्मण मुंडे यांनी  श्री.पत्की यांच्या कार्याचा गौरव केला. सुत्रसंचालन प्रा.डॉ विनोद जगतकर यांनी आभार प्रा डॉ राजकुमार यल्लावाड यांनी मानले. कार्यक्रमास संस्थेचे मार्गदर्शक अनिलराव देशमुख, अध्यक्ष संजय देशमुख, सचिव रवींद्र देशमुख, कोषाध्यक्ष प्रा.प्रसाद देशमुख, संचालक मनोहरराव कांबळे, प्रा.डॉ विद्या देशपांडे, छाया देशमुख, मंगेश देशमुख यांच्यासह पदाधिकारी, शिक्षक, शिक्षकेत्तर कर्मचारी उपस्थित होते.