MB NEWS- *ब्राह्मण सभेच्या श्री.विठ्ठल- रुक्मिणी मंदिरात मुर्ती प्राण प्रतिष्ठा व स्व.मनोहरपंत बडवे स्मृती सभागृहाचे लोकार्पण !*

 ब्राह्मण सभेच्या श्री.विठ्ठल- रुक्मिणी मंदिरात मुर्ती प्राण प्रतिष्ठा व स्व.मनोहरपंत बडवे स्मृती सभागृहाचे लोकार्पण !

🕳️   _परळी ब्राह्मण सभेच्या वतीने २७ ते ३०आॅगस्ट या कालावधीत चार दिवशिय सोहळयाचे आयोजन_ 

🕳️  *प.पु.सेलुकर महाराज, पालकमंत्री ना धनंजय मुंडे, माजी मंत्री पंकजाताई मुंडे,खा.डाॅ.प्रितमताई मुंडे यांची राहणार प्रमुख उपस्थिती*

परळी वैजनाथ, प्रतिनिधी.....

        शहरातील गणेशपार विभागातील गवंडीगल्लीत ब्राह्मण बहुद्देशीय सभा परळी वैजनाथ द्वारा जिर्णोद्धार करण्यात आलेल्या श्री.विठ्ठल- रुक्मिणी मंदिरात मुर्ती प्राणप्रतिष्ठा व स्व.मनोहरपंत बडवे स्मृती सभागृहाचे लोकार्पण होणार आहे.या अनुषंगाने परळी ब्राह्मण सभेच्या वतीने २७ ते ३० आॅगस्ट या कालावधीत चार दिवसीय सोहळयाचे आयोजन केले आहे.वेदोक्त पद्धतीने विधिवत मुर्ती प्राणप्रतिष्ठा व समारोपदिनी मान्यवरांच्या उपस्थितीत लोकार्पण सोहळा होणार आहे.प.पु.यज्ञेश्वर सेलुकर महाराज, पालकमंत्री ना धनंजय मुंडे, माजी मंत्री पंकजाताई मुंडे,खा.डाॅ.प्रितमताई मुंडे यांची प्रमुख उपस्थिती राहणार आहे.

          परळी ब्राह्मण सभेद्वारा श्री.विठ्ठल-रुक्मिणी मंदिर जीर्णोद्धार व स्व.मनोहरपंत बडवे स्मृती सभागृह हे काम हाती घेण्यात आले होते. मंदिर व सभागृहाचे काम पूर्ण झाले असून या प्रकल्पाकरिता अनेक ब्राह्मण व ब्राह्मणेत्तर महानुभाव व्यक्तींनी आर्थिक सहाय्य केलेले आहे. पवित्र श्रावणमास पर्वातील शुक्रवार दिनांक 27 ऑगस्ट ते सोमवार दिनांक 30 ऑगस्ट पर्यंत मुर्ती प्राणप्रतिष्ठा व लोकार्पण असा चार दिवसीय सोहळा होणार आहे.30 ऑगस्ट सोमवारी गोकुळ अष्टमी दिनी मुख्य सोहळा होणार आहे.बहुसोमयाजी प.पु.यज्ञेश्वर दीक्षित सेलुकर महाराज यांच्या शुभहस्ते मूर्तीन्यास व लोकार्पण होणार आहे.या सोहळ्याला विशेष अतिथी म्हणुन राज्याचे सामाजिक न्याय व विशेष सहाय्य मंत्री तथा बीड जिल्ह्याचे पालकमंत्री ना.धनंजय मुंडे,माजी ग्रामविकास व महिला बालकल्याण मंत्री पंकजाताई गोपीनाथराव मुंडे,बीड जिल्ह्याच्या खासदार डॉ. प्रीतमताई गोपीनाथराव मुंडे आदी मान्यवर उपस्थित राहणार आहेत.

         या सोहळ्याच्या सुसुत्र आयोजनासाठी ब्राह्मण बहुद्देशीय सभा परळीच्या वतीने तयारी करण्यात येत असुन विविध समित्या गठीत करण्यात आल्या आहेत. २७ ते ३० आॅगस्ट या कालावधीत चार दिवसीय सोहळयात वेदोक्त पद्धतीने मुर्ती प्राणप्रतिष्ठा विधी संपन्न होणार आहेत. यासाठी वेदशास्त्रसंपन्न, ब्रह्मवृंद, पुरोहित समिती संपूर्ण याज्ञिक विधी पार पाडणार आहेत. परळीच्या धार्मिक व ऐतिहासिक परंपरेतील  श्री. विठ्ठल-रुक्मिणी मंदिराच्या माध्यमातून जुन्या एका मंदिराचा जीर्णोद्धार होऊन हा अध्यात्मिक ठेवा नव्या रुपात जतन केला जाणार आहे. त्यामुळे सर्वांसाठी हा सोहळा स्वप्नपूर्तीचा आनंद सोहळा ठरणार आहे. या सोहळ्याला मोठ्या संख्येने उपस्थित राहावे असे आवाहन ब्राह्मण बहुद्देशीय सभा परळी वैजनाथ च्या वतीने करण्यात आले आहे.