MB NEWS-केदारनाथ मंदिराच्या कार्यक्रमात पंकजाताई मुंडेंचा जनतेसोबत ऑनलाईन सहभाग* *परळीत भाजपतर्फे वैद्यनाथ मंदिराच्या पायऱ्यावर दाखवले लाईव्ह प्रक्षेपण*

 *केदारनाथ मंदिराच्या कार्यक्रमात पंकजाताई मुंडेंचा जनतेसोबत ऑनलाईन सहभाग*

*परळीत भाजपतर्फे वैद्यनाथ मंदिराच्या पायऱ्यावर दाखवले लाईव्ह प्रक्षेपण*

परळी ।दिनांक ०५। 

पंतप्रधान नरेंद्र मोदी यांच्या हस्ते आज सकाळी केदारनाथ मंदिर परिसराच्या विकास कामांचे उद्घाटन मोठया थाटात झाले. या कार्यक्रमात भाजपच्या राष्ट्रीय सचिव पंकजाताई मुंडे शहरातील जनतेसोबत ऑनलाईन सहभागी झाल्या होत्या. 

     शहरातील वैद्यनाथ मंदिराच्या पायऱ्यावर भाजपच्या वतीने हा कार्यक्रम नागरिकांसाठी लाईव्ह दाखविण्याची सोय करण्यात आली होती, त्यासाठी मोठा स्क्रीन देखील लावण्यात आला होता.  त्याचा शेकडो नागरिकांनी लाभ घेतला. 

आदि शंकराचार्य जिथे जिथे  गेले आहेत तिथे त्यांनी ८७ मंदिरे बांधली आहेत ज्यात ४ धाम, १२ ज्योतिर्लिंगे आणि मंदिराचा समावेश आहे. पंतप्रधान नरेंद्र मोदी यांनी आज केदारनाथ धाम येथे आदि शंकराचार्यांच्या समाधीसह विविध विकास कामांचे उदघाटन व लोकार्पण केले. 

*पंकजाताईंचा सहभाग*

------------

पंकजाताई मुंडे यांना या कार्यक्रमात ऐनवेळी विमान रद्द झाल्याने सहभागी होता आले नाही, त्यामुळे त्यांनी यात जनतेसोबत ऑनलाईन सहभाग घेतला. पंतप्रधानांचे भाषण संपल्यावर त्यांनी उपस्थित जनतेला दिवाळी, पाडवा व भाऊबीज सणाच्या शुभेच्छा दिल्या.   यावेळी भाजपचे जिल्हाध्यक्ष राजेंद्र मस्के, ज्येष्ठ नेते दत्तापा इटके, राजेश देशमुख, तालुकाध्यक्ष सतीश मुंडे, शहराध्यक्ष जुगलकिशोर लोहिया, प्रवक्ते राम कुलकर्णी, युवा मोर्चाचे जिल्हाध्यक्ष निळकंठ चाटे, बाबुराव मेनकुदळे, श्रीराम मुंडे यांच्यासह पदाधिकारी, कार्यकर्ते मोठया संख्येने उपस्थित होते.

••••