MB NEWS-दर्पणदिन:पत्रकार संभाजी मुंडे यांचा रिपोर्टर ऑफ द इअर पुरस्काराने सन्मान

 पत्रकार संभाजी मुंडे यांचा रिपोर्टर ऑफ द इअर पुरस्काराने सन्मान 

परळी वैजनाथ, प्रतिनिधी..

टीव्ही 9 मराठीचे बातमीदार संभाजी मुंडे यांचा आज दर्पण दिनाच्या औचित्यावर "रिपोर्टर ऑफ द इअर" पुरस्काराने सन्मान करण्यात आला. दरवर्षी उत्कृष्ट काम करणाऱ्या एका वार्ताहरास कराड हॉस्पिटलच्या वतीने हा पुरस्कार देण्यात येतो. आज एका विशेष कार्यक्रमात संभाजी मुंडे यांना हा सन्मान देण्यात आला.

जेष्ठ पत्रकार ओमप्रकाश बुरांडे यांच्या अध्यक्षतेखाली आज कराड हॉस्पिटल येथे दर्पण दिन कार्यक्रम आयोजित करण्यात आला होता. हॉस्पिटलच्या संचालिका डॉ.शालिनीताई कराड व डॉ. बालासाहेब कराड यांच्या वतीने संभाजी मुंडे यांचा सन्मान करण्यात आले. कोरोनाच्या मागील दोन वर्षांच्या कालावधीत पत्रकार संभाजी मुंडे यांनी बातमीदारी क्षेत्रात उल्लेखनीय कामगिरी केली होती. नागरिकांच्या अनेक प्रश्नांवर लक्षवेधी करून प्रश्न मार्गी लावण्यास भाग पाडणारे वार्तांकन केले आहे. सामाजिक, सांस्कृतिक, राजकीय, धार्मिक आशा विविध क्षेत्रातील उपेक्षितांना त्यांच्या माध्यमातून वाचा फुटली आहे असे प्रतिपादन डॉ.शालिनीताई कराड यांनी व्यक्त केले. या पुरस्कार सोहळ्यास अखिल भारतीय मराठी पत्रकार परिषदेचे तालुकाध्यक्ष दत्तात्रय काळे, पत्रकार मोहन व्हावळे, धनंजय आढाव, महादेव शिंदे, प्रवीण फुटके, कैलास डुमणे, महादेव गित्ते, विकास वाघमारे यांच्यासह अनेकजण उपस्थित होते.