MB NEWS-धनंजय मुंडेंच्या संकल्पनेतून परळीत तीन दिवसीय 'भीम महोत्सवाचे आयोजन
आज 75 कलाकारांचा चमू असलेल्या आंतरराष्ट्रीय दर्जाचा उदय साटम यांचा भीमगीतांचा 'वंदन भीमराया' कार्यक्रम
परळी (दि. 14) - सामाजिक न्याय मंत्री धनंजय मुंडे यांच्या संकल्पनेतून परळी येथे तीन दिवसीय 'भीम महोत्सवाचे' आयोजन करण्यात आले असून शुक्रवारी (दि. 15) सायंकाळी 7 वा. प्रख्यात गायक उदय साटम यांचा भीमगीतांचा 'वंदन भीमराया' हा कार्यक्रम शहरातील मोंढा मैदान येथे होणार आहे.
आंतरराष्ट्रीय स्तरावर गाजलेला उदय साटम यांचा 75 कलाकारांचा चमू व त्यातून साकारण्यात येणारी भीम वंदना म्हणजे अलौकिक कार्यक्रम असून या कार्यक्रमास उपस्थित राहण्याचे आवाहन महोत्सव समितीच्या वतीने करण्यात आले आहे.
या तीन दिवसीय महोत्सवांतर्गत दि. 15 एप्रिल रोजी सायंकाळी 7 वा. कलारंजना मुंबई, निर्मित व उदय साटम दिग्दर्शित 75 कलाकारांचा समावेश असलेला वंदन भीमराया हा कार्यक्रम होईल. दि. 16 एप्रिल रोजी प्रसिद्ध गायक आदर्श शिंदे यांचा लाईव्ह भीम गीतांचा जंगी कार्यक्रम होईल व अखेरच्या दिवशी 17 एप्रिल रोजी प्रा. प्रकाशकुमार वाघमारे प्रस्तुत 'भीमा तुझ्या जन्मामुळे' या प्रसिद्ध नाटकाचा प्रयोग होईल. हे तीनही कार्यक्रम परळी शहरातील मोंढा मैदानात सायंकाळी 7 वा. होणार असून, या कार्यक्रमांमध्ये सहभागी व्हावे, असे आवाहन उत्सव समितीच्या वतीने करण्यात आले आहे.
परळी शहरात सामाजिक व सांस्कृतिक कार्यक्रमांसोबतच जातीपाती बाजूला ठेऊन सर्व महापुरुषांच्या जयंतीचे भव्य स्वरूपात आयोजन करण्याची परंपरा धनंजय मुंडे व त्यांच्या सहकाऱ्यांनी मागील अनेक वर्षांपासून जोपासली आहे. त्याच परंपरेचा भाग म्हणून हा जयंती उत्सव कोविडच्या निर्बंध मुक्तीनंतर भव्य स्वरूपात आयोजित करण्यात येत आहे.
हे देखील वाचा/पहा🔸
• Click करा: अॅक्सिस बँकेत नौकरभरती
Click &Read: रिक्त शासकीय पदभरतीबाबत शासननिर्णय जारी
Click:*भेटीनंतर बहिण पंकजा मुंडे यांनी दिली धनंजय मुंडे यांच्या तब्येतीबाबत महत्त्वाची माहिती*
जाहीरात/Advertis
टिप्पण्या
टिप्पणी पोस्ट करा