गर्भवती महिला हेळसांड: उपचारातील हलगर्जी प्रकरणी गित्ते हाॅस्पिटल मधील सीसीटीव्ही फुटेज जप्त करण्याची मागणी परळी वैजनाथ, प्रतिनिधी: शहरातील गित्ते हाॅस्पिटल या खाजगी रुग्णालयात उपचारादरम्यान गर्भातील बाळाचा मृत्यू झाल्याच्या प्रकरणात आता पुरावे सुरक्षित ठेवण्याची मागणी पुढे आली आहे. तक्रारदाराने शहर पोलीस ठाण्यात निवेदन देऊन संबंधित रुग्णालय तसेच परिसरातील सीसीटीव्ही फुटेज आणि डीव्हीआर तात्काळ जप्त करून सुरक्षित ताब्यात घेण्याची मागणी केली आहे. तक्रारदार वैजनाथ संभाजी मुंडे यांनी दिलेल्या निवेदनात म्हटले आहे की, त्यांच्या पत्नीवर उपचार करताना डाॅ.कल्पना सचिन गित्ते यांच्याविरुद्ध हलगर्जीपणा झाल्याचा आरोप यापूर्वीच लेखी तक्रार करुन करण्यात आला आहे. या प्रकरणात सत्य समोर येण्यासाठी रुग्णालयातील आणि परिसरातील सीसीटीव्ही फुटेज महत्त्वाचे ठरणार असल्याचे त्यांनी नमूद केले आहे.२३ एप्रिल ते २४ एप्रिलदरम्यान रुग्णालयातील केबिन, कॉरिडॉर तसेच बाहेरील परिसरातील सीसीटीव्ही फुटेज जप्त करण्यात यावे, अशी मागणी करण्यात आली आहे. तसेच रु...

अतिशय ह्रदयद्रावक घटना: लग्‍न समारंभात 'गीत' गातानाच 'संगीता' यांची एक्झिट

परभणी: होमगार्डची नोकरी सांभाळत त्‍या गाण्याचा छंद जोपासत हाेत्‍या. लग्न समारंभात त्‍यांच्‍या सुरेल आवाजाने उपस्‍थित मंत्रमुग्ध हाेत असतानाच त्‍यांना ह्रदयविकाराचा तीव्र झटका आला. त्‍यांचा जागीच मृत्‍यू झाला. संगीता गव्हाणे (वय 48) असे काळाने घाला घातलेल्‍या गायिकेचे नाव असून, विवाह समारंभातील त्‍यांच्‍या आकस्‍मिक एक्झिटने परिसरात हळहळ व्‍यक्‍त हाेत आहे. संगीता यांचा गाणे गात असलेल्या अखेरच्या काही क्षणांचा व्हिडीओ व्हायरल हाेत आहे.

Click &watch:व्हिडिओ पहाण्यासाठी या ओळींवर क्लिक करा.

संगीता गव्हाणे यांचे पती पोलिस दलामध्ये जमादार म्हणून कार्यरत आहेत. त्यांना दोन मुले व एक मुलगी आहे. जिल्हा होमगार्ड दलात कार्यरत असलेल्या संगीता आपला गायनाचा छंद जोपासण्यासाठी बँड पथकात गात होत्या. शनिवारी (दि.20) पाथरी रस्त्यावरील मंगल कार्यालयात लग्नसमारंभ होता. यावेळी मिरवणुकीत असलेल्या बँड पथकात संगीता गात होत्या. याचवेळी त्‍यांना हृदयविकाराचा तीव्र झटका आला. त्या जागीच कोसळल्या. त्यांना जवळच्या रूग्णालयात दाखल करण्यात आले; पण उपचारापूर्वीच त्यांचा मृत्यू झाला. त्यांच्या आकस्मिक मृत्यूने हळहळ व्यक्त होत आहे.