MB NEWS-कार-मोटारसायकल अपघात: एक जण ठार
कार-मोटारसायकल अपघात: एक जण ठार
बीड : भरधाव कार व दुचाकीचा भीषण अपघात घडला आहे. यामध्ये दुचाकीस्वार तरुण जागीच ठार झाल्याची घटना बीड-परळी महामार्गावर मैंदा येथे घडली.
रविंद्र बळीराम चव्हाण ( वय २४ वर्ष ) रा. उतार तांडा मैंदा ( ता. बीड ) असे मयताचे नाव आहे. तो बीड कडून मैंदा येथे येत असताना वडवणी येथून येत असलेली स्विफ्ट डिझायर कार क्रमांक एम.एच. ०३ बी सी ०४५३ या भरधाव कारने समोरून येणाऱ्या दुचाकीला जोरदार धडक दिली. या धडकेने दुचाकीस्वार व दुचाकी दुर फेकले गेले. गंभीर मार लागून दुचाकीस्वार जागीच ठार झाला. दुचाकी रस्त्याच्या खाली पडली होती. या अपघातानंतर जमाव संतप्त झाला. एकत्र येत बीड-परळी महामार्गावर रस्ता रोको करण्यात आला. धडक दिलेल्या कारची जमावाने तोडफोड केली. पोलीस घटनास्थळी दाखल झाले आहेत.
टिप्पण्या
टिप्पणी पोस्ट करा