MB NEWS-_गोपीनाथ गडावर अलोट गर्दी;ढोक महाराजांच्या किर्तनाने स्मृती समारंभ सुरू; हरिनामाचा गजर_
_गोपीनाथ गडावर अलोट गर्दी;ढोक महाराजांच्या किर्तनाने स्मृती समारंभ सुरू; हरिनामाचा गजर_
*गोपीनाथराव मुंडे यांचे जाणे म्हणजे भर दुपारी सूर्य मावळण्या सारखे- हभप रामराव महाराज ढोक*
परळी वैजनाथ, एमबी न्युज वृत्तसेवा....
दिवंगत लोकनेते गोपीनाथ मुंडे यांच्या समाधीस्थळाचे दर्शन घेण्यासाठी आज सकाळपासूनच गोपीनाथ गडावर अलोट गर्दी झाली आहे. स्मृतिदिनानिमित्त आयोजित समारंभास रामायणाचार्य रामराम ढोक महाराज यांच्या कीर्तनाने सुरुवात झाली.गोपीनाथ गडावर अलोट गर्दी झाली आहे.हरिनामाच्या गजराने गोपीनाथ गड दुमदुमून गेला आहे.
लोकनेते गोपीनाथराव मुंडे यांनी वारकऱ्यांवर प्रेम केले आहे , गोपीनाथराव मुंडे जाऊन 8 वर्ष झाले तरी विश्वास बसत नाही, गोपीनाथराव मुंडे हे अनाथाचे नाथ होते, असे भावोद्गार हभप रामनाचार्य रामराव ढोक महाराज यांनी व्यक्त केले. तालुक्यातील पांगरी येथील गोपीनाथ गडावर लोकनेते गोपीनाथराव मुंडे यांच्या आठव्या स्मृतिदिनानिमित्त आयोजित कीर्तन समारंभात ते बोलत होते. ढोक महाराज पुढे म्हणाले, गोपीनाथराव मुंडे आपल्यात नसले तरी माजीमंत्री पंकजा व खासदार प्रीतम मुंडे यांच्या स्वरूपात ते कायम दिसतात. पंकजा मुंडे या झाशीच्या राणी सारख्या आहेत.त्यांच्या कर्तृत्वाला शक्ती मिळाली पाहिजे. सुर्योदय व सुर्यास्त या नैसर्गिक घटना सारखे प्रत्येकाचे जीवन मरण ठरलेले आहे. मात्र, गोपीनाथराव मुंडे यांचे जाणे म्हणजे भर दुपारी सूर्य मावळण्या सारखे आहे. गोपीनाथराव वारकऱ्यांना ते वारकरी दिसत, साधकाला ते माय बाप तर अनाथला ते नाथ दिसत होते, अशा शब्दात ढोक महाराज यांनी स्व. मुंडे यांच्या स्मृतींना उजाळा दिला.
या कार्यक्रमास श्रीमती प्रज्ञा गोपीनाथराव मुंडे, माजी मंत्री पंकजा मुंडे, खा. प्रीतम मुंडे, प्रकाश महाजन, महादेव जानकर यांच्यासह अनेक पदाधिकारी, कार्यकर्ते, भाविक मोठ्या प्रमाणात उपस्थित आहेत.
संबंधित बातम्या
*गोपीनाथराव मुंडे यांचे जाणे म्हणजे भर दुपारी सूर्य मावळण्या सारखे- हभप रामराव महाराज ढोक*
*धनंजय मुंडे, अमरसिंह पंडित गोपीनाथ गडावर नतमस्तक*
*लोकनेते गोपीनाथराव मुंडे स्मृतीदिन:पंकजाताई मुंडे यांचे आवाहन*.
टिप्पण्या
टिप्पणी पोस्ट करा