MB NEWS-धनंजय मुंडे हे वाढदिवसानिमित्तपरळीत भेटीसाठी उपलब्ध राहणार

 धनंजय मुंडे हे वाढदिवसा निमित्त शुक्रवारी सकाळी 10 ते 1 दरम्यान परळीत भेटीसाठी उपलब्ध राहणार

*समर्थक - सहकाऱ्यांनी हार, बुके इत्यादी न आणण्याचे आवाहन*

परळी (दि.14) - राज्याचे माजी मंत्री आ. धनंजय मुंडे यांचा वाढदिवस साध्या पद्धतीने व वृक्षारोपण व संगोपन करण्याची चळवळ सुरू करून साजरा करण्यात येत असून, धनंजय मुंडे हे त्यांच्या समर्थक-सहकाऱ्यांना भेटून शुभेच्छा स्वीकारण्यासाठी सकाळी 10 ते दुपारी 1 या वेळेत परळी शहरातील हालगे गार्डन येथे उपलब्ध राहणार आहेत. 

समर्थक-सहकाऱ्यांनी वाढदिवसाच्या निमित्ताने एक झाड लावून त्याचे संवर्धन करण्याचा निर्धार करावा व त्या झाडासोबत एक सेल्फी काढावा, असे आवाहन धनंजय मुंडे यांनी केले होते, त्या आवाहनास सर्वत्र उत्स्फूर्त प्रतिसाद मिळताना दिसून येत आहे. 

दरम्यान धनंजय मुंडे यांचा अभिष्टचिंतन सोहळा साध्या पद्धतीने साजरा करण्यात येत असून, सर्वांच्या शुभेच्छा स्वीकारण्यासाठी धनंजय मुंडे हे सकाळी 10 ते दुपारी 1 या वेळेत हालगे गार्डन, परळी येथे उपलब्ध असणार आहेत, अशी माहिती परळी राष्ट्रवादी काँग्रेसच्या वतीने देण्यात आली आहे.