MB NEWS-मोठी बातमी:ओबीसी आरक्षणासह निवडणूक घ्या-सर्वोच्च न्यायालय

 मोठी बातमी:ओबीसी आरक्षणासह निवडणूक घ्या-सर्वोच्च न्यायालय

नवी दिल्ली- ओबीसी आरक्षण प्रश्नावर राज्य सरकारला अन ओबीसींना मोठा दिलासा मिळाला आहे.सर्वोच्च न्यायालयाने येत्या दोन आठवड्यात ओबीसी आरक्षणासह निवडणूक घ्या असे आदेश दिले आहेत.बांठिया आयोगानुसार आरक्षण देऊन निवडणूक घेण्यास न्यायालयाने मंजुरी दिली आहे.

राज्यातील ओबीसी समाजाच्या आरक्षण प्रकरणात गेल्या दोन अडीच वर्षापासून वाद विवाद सुरू होता.सर्वोच्च न्यायालयात हे प्रकरण गेल्यानंतर न्यायालयाने आरक्षणाशिवाय निवडणूक घेण्याचे आदेश दिले होते.

त्यानंतर राज्य निवडणूक आयोगाने राज्यातील 92 नगरपालिका आणि नगर पंचायतीच्या निवडणूक जाहीर केल्या होत्या.परंतु दरम्यानच्या काळात राज्यातील महाविकास आघाडी सरकार बदलले अन शिंदे फडणवीस सरकार स्थापन झाले.त्यानंतर 20 जुलै रोजी याबाबत सर्वोच्च न्यायालयात सुनावणी झाली.

या सुनावणी नंतर न्यायालयाने बांठिया आयोगानुसार दोन आठवड्यात निवडणूक घ्या असे निर्देश दिले आहेत. ओबीसी समाजासाठी हा मोठा महत्वपूर्ण निर्णय आहे,या निर्णयामुळे आता पुढील पंधरावीस दिवसात निवडणुका होतील अशी अपेक्षा आहे.