घ्या आता.....चक्क पोलीस कॉलनीत- पोलीस कॉर्टर समोर -हँडल लॉक केलेल्या मोटरसायकलवर चोरट्यांचा डल्ला
परळी वैजनाथ, प्रतिनिधी.....
परळी शहर व तालुक्यात चोरट्यांचा धुमाकूळ सुरूच आहे. काही केल्याने चोरांचे डल्लासत्र थांबता थांबत नाही. दररोज वेगवेगळ्या प्रकारच्या चोऱ्यांच्या घटना घडताना दिसत आहेत. चोरीच्या या सत्रांमधून कोणताही स्तर सुटलेला नाही. आता तर चक्क चोरट्यांनी पोलीस कॉलनीतच डल्ला मारला आहे. पोलीस कॉलनीत एका पोलीस क्वार्टर समोर हँडल लॉक करून लावलेली मोटार सायकल अज्ञात चोरट्याने पळविल्या प्रकरणी परळी शहर पोलीस ठाण्यात गुन्हा दाखल करण्यात आला आहे.
याबाबत पोलीस सूत्रांकडून प्राप्त अधिक माहितीनुसार दिनांक 19 ऑगस्ट रोजी रात्री 11 ते 20 ऑगस्ट रोजी पहाटे पाच वाजेपर्यंत परळीच्या पोलीस क्वार्टर समोर फिर्यादी बळीराम प्रभाकर कसबे रा. पोलीस कॉलनी यांची 35 हजार रुपये किमतीची काळ्या रंगाची स्प्लेंडर प्लस हिरो होंडा मोटरसायकल कोणीतरी अज्ञात चोरट्याने हँडल लॉक तोडून चोरून नेली. या प्रकरणी शहर पोलीस ठाण्यात अज्ञात आरोपी विरुद्ध गुन्ह्याची नोंद झाली असून अधिक तपास पो.ना. कांदे हे करत आहेत
टिप्पण्या
टिप्पणी पोस्ट करा