*हेळंब सेवा सोसायटीवर पंकजाताई मुंडेंच्या पॅनलचे निर्विवाद वर्चस्व*
*जय मल्हार शेतकरी विकास पॅनलचे सर्वच्या सर्व १३ उमेदवार विजयी ; पंकजाताईंनी केले विजयी उमेदवारांचे अभिनंदन*
परळी । दिनांक २८।
तालुक्यातील हेळंब सेवा सहकारी सोसायटी निवडणुकीत भाजपच्या राष्ट्रीय सचिव पंकजाताई मुंडे यांच्या जय मल्हार शेतकरी विकास पॅनलने दणदणीत विजय मिळविला आहे. राष्ट्रवादी काँग्रेस प्रणित पॅनेलला पराभवाची धुळ चारत भाजप प्रणित पॅनलचे सर्वच्या सर्व म्हणजे १३ उमेदवार विजयी झाले आहेत. विजयी उमेदवारांचे पंकजाताई मुंडे यांनी अभिनंदन केले आहे.
हेळंब सेवा सहकारी सोसायटीच्या संचालक मंडळाच्या १३ जागांसाठी आज निवडणूक झाली. पंकजाताई मुंडे यांच्या नेतृत्वाखाली जय मल्हार शेतकरी विकास पॅनलने राष्ट्रवादी काँग्रेस प्रणित पॅनलचा पराभव करत सर्व जागांवर दणदणीत विजय मिळवला. या निवडणुकीत विजयी झालेले उमेदवार पुढीलप्रमाणे - लक्ष्मण आंधळे, रामराव पवार, तुकाराम पाळवदे, यशवंत पाळवदे, प्रभू राठोड, काशीनाथ होळंबे, माधव होळंबे, व्यंकटी होळंबे, नानासाहेब होळंबे, सुरेखा आंधळे, सुनिता होळंबे, राधाकिसन घुले, गोविंद इंचके
पॅनलच्या विजयासाठी पॅनल प्रमुख माधवराव होळंबे, मोहन होळंबे सरपंच राम पाळवदे उपसरपंच व कार्यकर्त्यांनी परिश्रम घेतले. सर्व विजयी उमेदवारांचे पंकजाताई मुंडे यांनी अभिनंदन केले आहे.
••••
टिप्पण्या
टिप्पणी पोस्ट करा