MB NEWS-सिरसाळ्यात ट्रक चोरी तर परळीत घरफोडीची घटना

 सिरसाळ्यात ट्रक चोरी तर परळीत घरफोडीची घटना

परळी वैजनाथ ,प्रतिनिधी...

 परळी शहर व तालुक्यात चोरीचे सत्र अखंडितपणाने सुरूच आहे. दररोज कुठे ना कुठे चोरीच्या घटनांची नोंद पोलीस ठाण्यात होत आहे. वाढत्या चोऱ्या हा नागरिकांच्या चिंतेचा विषय बनलेला आहे. सिरसाळा येथे ट्रकचोरीची तर परळी शहरात घरफोडीची घटना नोंद झाली आहे.

       याबाबत पोलीस सूत्रांकडून प्राप्त अधिक माहितीनुसार, सिरसाळा जवळील एका पेट्रोल पंपा समोर लावलेली फिर्यादी वाजेखान सादत खान पठाण या वीट भट्टी व्यवसायिकाची लाल भगव्या रंगाची जुनी वापरती ट्रक कोणीतरी अज्ञात चोरट्याने चोरून नेली आहे.या ट्रकची अंदाजे किंमत दोन लाख वीस हजार आहे .याप्रकरणी सिरसाळा पोलिसात अज्ञात चोरट्याविरुद्ध गुन्हा दाखल करण्यात आला आहे. अधिक तपास पोह शेंगळे हे करत आहेत. तर दुसरी घटना परळी शहरात घडली असून फिर्यादी शांताबाई केशवराव वाघमारे राहणार हबीबपुरा यांच्या घरात अज्ञात चोरट्याने दाराची कडी व कुलूप तोडण्याचा प्रयत्न करून घराचे पत्रे उचकवून आत प्रवेश केला व घरातील सोन्याचे लॉकेट कानातील झुंबर जोड नगदी असा एकूण 73 रुपयाचा मुद्देमाल लंपास केला आहे. याप्रकरणी शहर पोलीस ठाण्यात गुन्ह्याची नोंद करण्यात आली असून अधिक तपास पोह शिंदे हे करत आहेत.