MB NEWS-अमित राज ठाकरे बीड जिल्हा दौऱ्यावर:परळीत घेणार वैद्यनाथाचे दर्शन

  अमित राज ठाकरे बीड जिल्हा दौऱ्यावर:परळीत घेणार वैद्यनाथाचे दर्शन 

मनसे युवा कार्यकर्त्यांनी उपस्थित राहण्याचे आवाहन

परळी (प्रतिनिधी.)   महाराष्ट्र नवनिर्माण सेनेचे विद्यार्थी सेना प्रमुख अमित राज  ठाकरे हे दिनांक अकरा व बारा ऑक्टोंबर रोजी बीड जिल्हा दौऱ्यावर येत असून विद्यार्थी सेनेच्या पुनर्बांधणीसाठी होत असलेल्या या दौऱ्या प्रसंगी जिल्ह्यातील मनसेच्या युवा कार्यकर्ते व पदाधिकाऱ्यांनी मोठ्या संख्येने उपस्थित राहण्याचे आवाहन मनसेचे जिल्हा सचिव रवी नेमाने यांनी केले आहे.

    प्रसिद्धस दिलेल्या पत्रकात रवी नेमाने यांनी म्हटले आहे की, अमित राज  ठाकरे यांचे दिनांक अकरा रोजी सायंकाळी सहा वाजता परळी शहरात आगमन होणार असून आगमनानंतर ते प्रभू वैद्यनाथाचे दर्शन घेणार आहेत. प्रभू वैद्यनाथाच्या दर्शनानंतर परळी तालुका मनसे जनसंपर्क कार्यालयास ते भेट देऊन कार्यकर्त्यांशी संवाद साधणार आहेत. त्यानंतर ते बीडला होणार आहेत.

  12 ऑक्टोंबर बुधवार रोजी अमित ठाकरे बीड येथील शासकीय विश्राम गृह बीड जिल्ह्यातील सर्व मनसे कार्यकर्त्यांची बैठक घेणार आहेत. तसेच विद्यार्थी सेनेच्या पदाधिकाऱ्यांशी संवाद साधणार आहेत. बैठकीनंतर तिरुमला ऑइल इंडस्ट्री ला भेट देऊन तिथून पुढे ते नारायण गड व भगवानगडाच्या दर्शनानंतर गेवराई मार्गे जालन्याला रवाना होणार आहेत.

    अमित ठाकरे यांच्या या सर्व दौऱ्यातील कार्यक्रमांना युवा विद्यार्थी सेनेचे कार्यकर्ते व मनसे पदाधिकारी यांनी उपस्थित राहण्याचे आवाहनही रवी नेमाने यांनी केले आहे.