MB NEWS-खा.प्रीतमताई मुंडे यांच्या हस्ते दांडिया स्पर्धेचे बक्षीस वितरण विद्यानगर दुर्गोत्सव मंडळाच्या वतीने विजेत्यांना मोटरसायकल बक्षीस

 खा.प्रीतमताई मुंडे यांच्या हस्ते दांडिया स्पर्धेचे बक्षीस वितरण

विद्यानगर दुर्गोत्सव मंडळाच्या वतीने विजेत्यांना मोटरसायकल बक्षीस

परळी (प्रतिनिधी)

विद्यानगर दुर्गोत्सव मंडळ आयोजित दांडिया स्पर्धेचे खा.डॉ. प्रितमताई मुंडे यांच्या हस्ते बक्षीस वितरण संपन्न झाले. नवरात्रीच्या अनुषंगाने दरवर्षी हा उपक्रम आयोजित करण्यात येतो. शहरातील माता - भगिनिंकडून या स्पर्धेत उत्स्फूर्त सहभाग नोंदवला. विद्यानगर दुर्गोत्सव मंडळाने आयोजित केलेले उपक्रम कौतुकास्पद आणि उत्कृष्ठ असल्याची प्रतिक्रिया खा.डॉ.प्रितामताई मुंडे यांनी व्यक्त केली. यंदाच्या स्पर्धेतील विजेत्यांना मोटरसायकल बक्षीस म्हणून देण्यात आली.

विद्यानगर दुर्गोत्सव समितीकडून यंदा नवरात्रीत उत्साहात विविध कार्यक्रम आयोजित करण्यात आले होते. तब्बल नऊ दिवस दांडिया स्पर्धा आयोजित करण्यात आल्या. याचे बक्षीस वितरण खा.डॉ.प्रीतमताई मुंडे यांच्या हस्ते संपन्न झाले. स्पर्धेतील विजेत्यांना मोटरसायकल बक्षीस ठेवण्यात आले होते. बक्षीस वितरण कार्यक्रमास वैद्यनाथ बँकेचे चेरमन विनोद सेठ सामत, संचालक नारायण दादा सातपुते, शहराध्यक्ष योगेश भैय्या मेनकुदळे, बालाजी (बंटी) सातपुते यांच्यासह अनेकांची उपस्थिती होती. उपस्थित प्रेक्षक आणि स्पर्धकांनी संयोजकांचे विशेष आभार व्यक्त केले.