MB NEWS-बीड जिल्ह्याचा नावलौकिक करणारी परळीची लेक ... अभिनंदन श्रद्धा.. ! - खा.डाॅ.प्रितम मुंडेंकडून 'स्केटर गर्ल' चे कौतुक

 बीड जिल्ह्याचा नावलौकिक करणारी परळीची लेक ...  अभिनंदन श्रद्धा.. ! - खा.डाॅ.प्रितम मुंडेंकडून 'स्केटर गर्ल' चे कौतुक  

परळी वैजनाथ, प्रतिनिधी ...

.   36 व्या नॅशनल गेम्स मध्ये सुवर्णपदक पटकावणारी परळीची सुवर्णकन्या श्रद्धा गायकवाड हिची ऑलिम्पिक मध्ये निवड निश्चित झाली असून या निवडीबद्दल खा.डाॅ.प्रितम मुंडे  यांनी तिचे  अभिनंदन केले आहे.

    परळी साठी अतिशय अभिमानाची बाब म्हणजे परळीची कन्या कुमारी श्रद्धा गायकवाड हिने 36 व्या नॅशनल गेम्स स्पर्धेत सुवर्णपदक पटकावले असून फ्रान्समध्ये होणाऱ्या ऑलिंपिक साठी भारतीय संघात तिची निवड झाली आहे. या निवडीबद्दल तिचे सर्व स्तरातून अभिनंदन होत आहे. ऑलम्पिक साठी निवड होणारी परळीतील ती पहिलीच खेळाडू ठरली आहे. परळी साठी ही अत्यंत गौरवाची बाब ठरली आहे.

खा.डाॅ.प्रितम मुंडेंकडून 'स्केटर गर्ल' चे कौतुक 

अशी आहे खा.डाॅ.प्रितम मुंडे यांची फेसबुक पोस्ट....

अभिनंदन श्रद्धा..

अहमदाबाद येथे 36 व्या राष्ट्रीय क्रीडा स्पर्धेत परळीची लेक कू.श्रद्धा रवींद्र गायकवाड हिने स्केट बोर्डिंग खेळात सुवर्णपदक मिळवले आहे.या ऐतिहासिक कामगिरीमुळे श्रध्दा फ्रान्समध्ये होणाऱ्या ऑलम्पिक स्पर्धेसाठी पात्र ठरली असून तिची भारतीय संघात निवड करण्यात आली आहे.

आपल्या जिल्ह्याची लेक प्रथमच ऑलम्पिकमध्ये सहभागी होते आहे, बीड आणि परळीकरांसाठी ही बाब अभिमानास्पद आणि गौरव वाढवणारी आहे.श्रद्धाचे खूप खूप अभिनंदन आणि भविष्यासाठी शुभेच्छा.