MB NEWS-जिल्हास्तरीय बुध्दीबळ स्पर्धेत महिला महाविद्यालयाचे घवघवीत यश, महाविद्यालयाचा संघ विभागीय स्तरासाठी पात्र

 जिल्हास्तरीय बुध्दीबळ स्पर्धेत महिला महाविद्यालयाचे घवघवीत यश, महाविद्यालयाचा संघ विभागीय स्तरासाठी पात्र

परळी वैजनाथ दि.२५ (प्रतिनिधी)

          येथील लक्ष्मीबाई देशमुख महिला कनिष्ट महाविद्यालयाच्या बुध्दीबळ संघाने जिल्हास्तरावर प्रथम क्रमांक पटकावला असून महाविद्यालयाचा संघ विभागीय स्तरासाठी पात्र ठरुन घवघवीत यश संपादन केले आहे.

                  येथील लक्ष्मीबाई देशमुख महिला कनिष्ट महाविद्यालयाच्या बुध्दीबळ संघाने तालुकास्तरावर वयोगट (१९) मध्ये प्रथम क्रमांक पटकावला. संघातील विद्यार्थी प्रणिता देवधरे (प्रथम क्रमांक), अरशिया कच्ची (द्वितीय क्रमांक), मुस्कान शेख (द्वितीय क्रमांक) या जिल्हास्तरासाठी पात्र ठरल्या. जिल्हास्तरावरील बुध्दीबळ स्पर्धा शुक्रवारी (ता.२५) येथील पोद्दार राजस्थानी इंग्लिश स्कूल मध्ये संपन्न झाल्या. या स्पर्धेत जिल्हा भरातून संघ सहभागी झाले होते. जिल्हास्तरीय स्पर्धेत लक्ष्मीबाई देशमुख महिला महाविद्यालयाच्या संघाने घवघवीत यश संपादन करुन प्रथम क्रमांक पटकावला. 

  यामध्ये अरशिया कच्ची (प्रथम क्रमांक), मुस्कान शेख (द्वितीय क्रमांक), प्रणिता देवधरे (तृतीय क्रमांक) विद्यार्थिनींनी क्रिडा विभागप्रमुख प्रा.डॉ. प्रविण दिग्रसकर, संघ प्रमुख आशिलता शिंदे यांच्या मार्गदर्शनाखाली यश संपादन केले. विद्यार्थ्यांच्या या यशाबद्दल संस्थेचे मार्गदर्शक अनिलराव देशमुख, संस्थेचे अध्यक्ष संजय देशमुख, सचिव रवींद्र देशमुख, कोषाध्यक्ष प्रा. प्रसाद देशमुख, प्राचार्य डॉ. लक्ष्मण मुंडे यांच्यासह प्राध्यापक, शिक्षक,शिक्षकेत्तर कर्मचारी यांनी अभिनंदन केले आहे.