MB NEWS- डॉ. बाबासाहेब आंबेडकर चौकाचे सुशोभीकरण करा- अनंत इंगळे
डॉ. बाबासाहेब आंबेडकर चौकाचे सुशोभीकरण करा- अनंत इंगळे
परळी (प्रतिनिधी.) शहरातील रेल्वे स्थानका समोरील तसेच बस स्टँड कडे जाणाऱ्या मार्गावर असणाऱ्या डॉ. बाबासाहेब आंबेडकर चौकाचे सूशोभिकरण करण्याची मागणी राष्ट्रवादी काँग्रेस परळीचे सरचिटणीस अनंत इंगळे यांनी परळी नगर परिषदेचे मुख्याधिकाऱ्यांना एका निवेदनाद्वारे केली आहे. निवेदनाच्या प्रति माजी मंत्री आ.धनंजय मुंडे तसेच राष्ट्रवादी काँग्रेसचे नेते वाल्मीक अण्णा कराड यांनाही देण्यात आल्या आहेत.
याबाबत अनंत इंगळे यांनी परळी नगर परिषदेचे मुख्याधिकारी यांना दिलेल्या निवेदनात म्हटले आहे की, परळी शहरातील विविध चौकांचे नगरपालिकेच्या वतीने जसे सुशोभीकरण करण्यात आले. तसेच सुशोभीकरण डॉ.बाबासाहेब आंबेडकर चौकाचे ही करावे.
परळी बस स्थानकाकडे जाणाऱ्या रस्त्यावर तसेच रेल्वे स्थानकाच्या समोरील मुख्य रस्त्यावर डॉ. बाबासाहेब आंबेडकर चौक आहे. अनेक वर्षापासून हा चौक अस्तित्वात आहे. परळी शहरात मौलाना आझाद चौक, छत्रपती शिवाजी महाराज चौक, तसेच इटके कॉर्नरला असणाऱ्या संभाजी चौक आदि चौकांचे नगरपालिकेच्या वतीने सुशोभीकरण करण्यात आलेले आहे. अशाच प्रकारे डॉ. बाबासाहेब आंबेडकर चौकाचे नगरपालिकेने सुशोभीकरण करण्याची मागणी ही अनंत इंगळे यांनी मुख्याधिकाऱ्यांना केली आहे. याप्रसंगी राष्ट्रवादी काँग्रेसचे रवी मुळे, तकी खान तसेच धम्मा अवचारे आदी उपस्थित होते.
टिप्पण्या
टिप्पणी पोस्ट करा