कोष्टी समाज मंडळाच्या वतीने अंबाजोगाई येथे श्री चौंडेश्वरी महोत्सवास उत्साहात सुरुवात
अंबाजोगाई/ प्रतिनिधी
कोष्टी समाज मंडळाच्या वतीने अंबाजोगाई येथे श्री चौंडेश्वरी महोत्सवास आज शुक्रवार दिनांक 30 डिसेंबर रोजी उत्साहपूर्ण वातावरणात सुरुवात झाली असून आठ दिवस विविध धार्मिक कार्यक्रमांचे आयोजन करण्यात आले आहे.
प्रति वर्षाप्रमाणे याही वर्षी अंबाजोगाई कोष्टी समाज मंडळाच्या वतीने श्री चौंडेश्वरी देवी महोत्सव कार्यक्रमाचे आयोजन श्री रामलिंग चौंडेश्वरी देवी मंदिर कोष्टी गल्ली अंबाजोगाई येथे दिनांक 30 डिसेंबर ते 6 जानेवारी दरम्यान आयोजन करण्यात आले आहे. यानिमित्त आठ दिवस श्री चौंडेश्वरी देवी मंदिरात विविध धार्मिक कार्यक्रमांचे आयोजन करण्यात आले असून यामध्ये देवांग पुराण पारायण, भजन, कीर्तन, हरिपाठ ,जागरण गोंधळ आदि कार्यक्रम होणार आहे. आज शुक्रवारी सकाळी श्री चौंडेश्वरी देवीची विधीवत पूजा करण्यात आली. दिनांक 5 जानेवारी 2023 रोजी श्री चौंडेश्वरी देवी महोत्सवाची सांगता पारायण समाप्तीनंतर होणार असून यानिमित्त देवांग पुराण ग्रंथ मिरवणूक अंबाजोगाई शहराच्या विविध मार्गावरून निघणार आहे. दररोज दुपारी चार ते सायंकाळी सात वाजता महिलांचे हरिपाठ व भजन होईल. दिनांक 6 जानेवारी रोजी कोष्टी समाजाचे अध्यक्ष नारायणराव हरेगावकर यांच्या हस्ते पहाटे चार वाजता श्री चौंडेश्वरी देवीची महापूजा सकाळी सात वाजता पूर्णहूती व सकाळी दहा वाजता ह भ प श्री अच्युतराव जोशी महाराज केंद्रेवाडीकर यांचे काल्याचे किर्तन व कीर्तनास श्री ह भ प अमोल घोडके महाराज सावतामाळी भजनी मंडळ यांची साथ होईल व त्यानंतर महाप्रसाद होईल.
या सर्व कार्यक्रमास अंबाजोगाई शहर व पंचक्रोशीतील भावी भक्तांनी मोठ्या संख्येने उपस्थित रहावे असे आवाहन श्री रामलिंग चौंडेश्वरी देवी उत्सव व गोष्टी समाज मंडळ अंबाजोगाई यांच्या वतीने करण्यात आले आहे.
टिप्पण्या
टिप्पणी पोस्ट करा