MB NEWS: कै.शंभुदेव ढाकणे यांच्या स्मृतीप्रित्यर्थ ७ वी वर्गात प्रथम विद्यार्थ्याला २१०० रू पारितोषिक केले जाहीर

 कै.शंभुदेव ढाकणे यांच्या स्मृतीप्रित्यर्थ ७ वी वर्गात प्रथम विद्यार्थ्याला २१०० रू पारितोषिक केले जाहीर

परळी वैजनाथ, प्रतिनिधी
          गावातील जिल्हा परिषद शाळेतील विद्यार्थ्यांना प्रोत्साहन मिळावे यासाठी ग्रामपंचायत सदस्य अंजली दत्ताजी ढाकणे यांनी सातवी वर्गात सर्वप्रथम येणाऱ्या विद्यार्थ्यास 2100 रुपयांचे पारितोषिक जाहीर केले आहे.
       आज ७४ व्या प्रजासत्ताक दिना निमित्त अस्वलअंबा ग्रामपंचायत व जि.प उच्च प्राथमिक शाळेत ध्वजारोहणास सरपंच उपसरपंच सर्व ग्रामपंचायत सदस्य सर्व  विद्यार्थी व शिक्षकांसह गावातील प्रतिष्ठीत मंडळी उपस्थित होते . यावेळी ग्राम पंचायत सदस्य अंजली दत्ताजी ढाकणे यांनी  विद्यार्थ्यांना प्रोत्साहन देण्यासाठी कै.शंभुदेव ढाकणे यांच्या स्मृतीप्रित्यर्थ इयत्ता  ०७ वी च्या वर्गातील सर्वात हुशार गुणसंपन्न विद्यार्थ्यास २१०० रू बक्षीस देण्याचे जाहीर केले.हे बक्षीस प्रतिवर्षी १५ आॕगस्ट रोजी स्वातंत्र्यदिनी देण्यात येईल . या सुरू केलेल्या नविन उपक्रमाचे सर्व गावकऱ्यांनी उत्स्फूर्त पणे स्वागत केले.