MB NEWS:आंतरराष्ट्रीय पखवाज वादक उद्धवबापू आपेगावकर, कवी इंद्रजित भालेराव यांच्या उपस्थितीत शेतकरी कीर्तन महोत्सवाचे उद्घाटन

 ●आंतरराष्ट्रीय पखवाज वादक उद्धवबापू आपेगावकर, कवी इंद्रजित भालेराव यांच्या उपस्थितीत शेतकरी कीर्तन महोत्सवाचे उद्घाटन

परळी / प्रतिनिधी

चौदा गावातील शेतकरी, कष्टक-यांनी एकत्र येऊन जगद्गुरु तुकाराम महाराज यांच्या बीजेनिमित्त आयोलेल्या कीर्तन महोत्सवाचे उद्घाटन शुक्रवार, दि. 3 मार्च रोजी सकाळी 9.30 वाजता, कान्नापूर बस स्टॅण्ड जवळील भव्य मैदानात संपन्न होणार असून या शेतकरी कीर्तन महोत्सव उदघाटन प्रसंगी शेतक-यांच्या व्यथा-वेदना मांडणारे प्रसिद्ध कवी, संत साहित्याचे अभ्यासक इंद्रजित भालेराव आणि आंतरराष्ट्रीय कीर्तीचे पखवाज वादक उद्धवबापू आपेगावकर यांच्या उपस्थितीत होणार आहे.

शेतक-यांना न मागता कर्जमुक्ती देणारे जगद्गुरु तुकाराम महाराज यांच्या बीजेनिमित्त होत असलेल्या कीर्तन महोत्सवासाठी चौदा गावातील शेतक-यांनी घेतलेला पुढकार एक आदर्श निर्माण करणारा आहे. अशा महोत्सवासाठी आयुष्याभर शेतक-यांच्या व्यथा-वेदना मांडणारे प्रसिद्ध कवी इंद्रजित भालेराव येत आहेत, ही अत्यंत सकारात्मक बाब आहे. वारकरी कीर्तन परंपरेचा अविभाज्य भाग असणा-या पखवाज या  वाद्याला अंतरराष्ट्रीय कीर्ती मिळवून देणारे उद्धवबापू आपेगावकर यांची उपस्थिती या महोत्सवाची उंची वाढविणारी आहे. या सोहळ्याला पंचक्रोशीतील नागरिकांनी मोठ्या संख्येने उपस्थित रहावे, असे आवाहन समन्वयक अॅड. अजय बुरांडे यांनी केले आहे.

-------------------------------------------------------

Video news