MB NEWS: डॉ.बाबासाहेब आंबेडकर यांच्या जयंतीनिमित्त एक वही एक पेन अभियानाचे परळी शहरात आयोजन

 डॉ.बाबासाहेब आंबेडकर यांच्या जयंतीनिमित्त एक वही एक पेन अभियानाचे परळी शहरात आयोजन

परळी ( प्रतिनिधी ) महामानव , भारतरत्न डॉ . बाबासाहेब आंबेडकर यांच्या १३२ व्या जयंतीनिमित्त १४ एप्रिल रोजी परळीत एक वही एक पेन या अभिनव अभियानाचे आयोजन करण्यात आल्याची माहिती संयोजक पत्रकार विकास वाघमारे यांनी दिली आहे . 

शिक्षण हे वाघिणीचे दूध आहे . आणि ते जो प्राशन करील तो गुरगुरल्याशिवाय राहणार नाही . असे डॉ . बाबासाहेब आंबेडकर म्हणतात . त्यामुळे विद्यार्थ्यांना चालना मिळावी या हेतूने एक वही एक पेन हा उपक्रम १४ एप्रिल रोजी रेल्वे स्टेशन येथील डॉ . बाबासाहेब आंबेडकर पुतळा येथे सकाळी ९ ते १ या वेळेत राबविण्यात येणार आहे . अवांतर खर्च न करता या समाजोपयोगी अभियानात सहभागी होऊन या वेळेत आपण वही अथवा पेन आणून द्याव्यात . जमा झालेल्या वह्या आणि पेन गरजू आणि होतकरू विद्यार्थ्यांना वाटप करण्यात येणार आहेत . 

या वेळी या अभियानाचे संस्थापक विकास रोडे ही उपस्थित राहणार आहेत . तरी दानशूर व्यक्तींनी सहकार्य करण्याचे आवाहन विकास वाघमारे यांनी केले आहे . अधिक माहितीसाठी ९ ०२८३४७३५८ या मोबाईल नंबर वर संपर्क साधावा .