MB NEWS:खळबळजनक: 'स्नेहा' नाव हातावर गोंदवलेलं; अनोळखी इसमाचा अर्धवट जळलेला मृतदेह आढळला
खळबळजनक: 'स्नेहा' नाव हातावर गोंदवलेलं; अनोळखी इसमाचा अर्धवट जळलेला मृतदेह आढळला
परळी वैजनाथ....
परळी तालुक्यातील मांडेखेल शिवारात रामनगर तांड्याजवळ मंगळवारी रात्री तरुणाचा अर्धवट जळलेल्या अवस्थेत मृतदेह आढळून आला. या प्रकारामुळे परिसरात खळबळ उडाली आहे. मृताची अद्याप ओळख पटली नसून पोलीस तपास करत आहेत.मृतदेह परळीच्या उपजिल्हा रुग्णालयात ठेवण्यात आला आहे.मृताच्या अंगात निळी जीन्स पॅन्ट, बदामी रंगाचे शर्ट व कमरेला बेल्ट, पायात बुट आहे. तसेच हातावर स्नेहा नाव गोंदविलेले आहे. आंबाजोगाईच्या अपर पोलीस अधीक्षक कविता नेरकर , उपविभागीय पोलीस अधिकारी चोरमले , परळी ग्रामीण चे पोलीस निरीक्षक सुरेश चाटे यांच्या मार्गदर्शनाखाली सपोनी नारायण गीते , पोउपनि गणेश झांबरे, हवालदार केकान, पोलिस नाईक नवनाथ हरगावकर, सुनील अन्नमवार, येरडलावार, एकुलवार यांनी घटनास्थळी भेट देऊन मृतदेहाची ओळख पटवण्यासाठी प्रयत्न सुरू केले आहेत.
टिप्पण्या
टिप्पणी पोस्ट करा