खा.शरद पवार व खा.संजय राऊत यांना जीवे मारण्याची धमकी; महाविकास आघाडीचा बीडमध्ये मूक मोर्चाचे आयोजन
आ.धनंजय मुंडे, प्रकाश दादा सोळंके, सतिश चव्हाण, विक्रम काळे, बाळासाहेब आजबे, संदीप क्षीरसागर, माजी आ.अमरसिंह पंडित आदींची उपस्थिती
या भव्य मूक मोर्चास उपस्थित रहा - ऍड.राजेश्वर चव्हाण, बाळा बांगर
बीड दि.११ (प्रतिनिधी) - राष्ट्रवादी काँग्रेसचे सर्वेसर्वा खा.शरद पवार व शिवसेना (उबाठा) चे खा.संजय राऊत यांना जीवे मारण्याची धमकी काही समाज कंटकांकडून देण्यात आली आहे. राज्यभरातून अश्या माथेफिरूविरोधात संतापाची लाट निर्माण झाल्याचे पाहायला मिळत आहे. आज (दि.१२) बीडमध्ये महाविकास आघाडी आणि समविचारी पक्ष, संघटनांच्यावतीने जिल्हाधिकारी कार्यालयावर भव्य मूक मोर्चा काढण्यात येणार असून यात हजारोंच्या संख्येने सहभागी व्हा, असे आवाहन राष्ट्रवादी जिल्हाध्यक्ष राजेश्वर आबा चव्हाण व राष्ट्रवादी युवक काँग्रेसचे जिल्हाध्यक्ष विजयसिंह बाळा बांगर यांनी केले.
राष्ट्रवादी काँग्रेसचे अध्यक्ष शरद पवार यांना ठार मारण्याची धमकी मिळाल्यानंतर राजकीय वातावरण ढवळून निघाले असतानाच त्यांना धमकी देणारा हा अमरावतीतील भाजपाचा कार्यकर्ता असल्याची माहिती समोर आली आहे. सौरभ पिंपळकर नावाच्या तरुणाने ट्विटरवरून पवारांना धमकी दिली. तेव्हापासून सौरभ पिंपळकरचा पोलीस शोध घेत असल्याचे सांगितले जाते. मात्र शरद पवार यांच्या जीवाला धोका निर्माण करण्याचे काम भाजपच्या वतीने सुरु असून खा.संजय राऊत यांना देखील धमकीचे पत्र देण्यात आले आहे.त्यामुळे या धमकीचा जाहीर निषेध करण्यासाठी महाविकास आघाडी,समविचारी पक्ष व संघटनाकडून मुक मोर्चा आज (दि.१२ )सकाळी १० वाजता छञपती शिवाजी महाराज चौक ते जिल्हाधिकारी कार्यालय काढण्यात येणार आहे.
या मोर्च्यात राष्ट्रवादी काँग्रेसचे नेते, माजी मंत्री, आ.धनंजय मुंडे, आ.प्रकाश दादा सोळंके,आ.सतिश भाऊ चव्हाण,आ.विक्रम काळे गुरुजी, माजी आमदार अमरसिंह पंडित साहेब, आ.बाळासाहेब आजबे काका, आ.संदिप भैय्या क्षीरसागर, माजी आ.राजेंद्र जगताप, माजी आमदार उषाताई दराडे, माजी आमदार सलीम सय्यद, माजी आमदार पृथ्वीराज साठे, माजी आमदार संजयभाऊ दौंड, राष्ट्रवादी युवक काँग्रेसचे प्रदेशाध्यक्ष महेबुब शेख, ओबीसी सेलचे प्रदेशाध्यक्ष कल्याण काका आखाडे, डॉ. सेलचे प्रदेशाध्यक्ष डाॅ.नरेंद्र काळे, बजरंग सोनवणे, राजकिशोर मोदी, राष्ट्रवादी जिल्हाध्यक्ष ॲड.राजेश्वर चव्हाण, सुशीलाताई मोराळे, काँग्रेसचे जिल्हाध्यक्ष राजेसाहेब देशमुख, शिवसेना (उबाठा) चे जिल्हाध्यक्ष अनिलदादा जगताप, जिल्हाध्यक्ष रत्नाकर शिंदे यांसह आदींची प्रमुख उपस्थिती राहणार आहे. दरम्यान या मोर्च्यात हजारोंच्या संख्येने संख्येने सहभागी व्हा असे आवाहन राष्ट्रवादीचे युवक जिल्हाध्यक्ष विजयसिंह बाळा बांगर यांनी केले आहे.
टिप्पण्या
टिप्पणी पोस्ट करा