युवकांचा स्तुत्य उपक्रम....

 संशयकल्लोळ :परळी शहर पोलिसांच्या ताब्यातील एका आरोपीचा मृत्यू : नातेवाईकांचा पोलिसांवर आरोप; शहरात मोठा बंदोबस्त

परळी वैजनाथ, प्रतिनिधी ...
            परळी शहरात सध्या मोठा बंदोबस्त तैनात करण्यात आला असून ठीक ठिकाणी पोलीसच पोलीस दिसत आहेत. यामुळे नागरिकात मोठ्या प्रमाणावर हा बंदोबस्त कशाचा याची चर्चा सुरू झाली आहे. दरम्यान परळी शहर पोलिसांच्या ताब्यातील चोरी प्रकरणातील एका आरोपीचा संशयास्पद मृत्यू झाल्याची घटना घडली आहे. परंतु हा मृत्यू पोलिसांनी केलेल्या मारहाणीत झाल्याचे मयताच्या नातेवाईकांनी म्हटले आहे. काल रात्रीपासूनच मोठा जमाव उपजिल्हा रुग्णालयात जमा झाल्याने पोलीस प्रशासनाने बंदोबस्तात वाढ केली आहे.
         परळी शहर पोलिसांनी चौकशीसाठी बोलविलेल्या एका संशयित आरोपीचा मृत्यू झाल्याची घटना मंगळवारी रात्री 10.30 वाजेच्या सुमारास घडली आहे. झरीन खान ( 48,  रा मलीकपुरा, परळी) असे मृताचे नाव आहे. त्यांचा पोलीस ठाण्यात मृत्यू झाल्याचे त्यांच्या मुलाने म्हटले आहे. दरम्यान मयत झरीन खान यांच्या मृतदेहाची उत्तरिय तपासणी (पोस्ट मार्टम )इन कॅमेरा होणार आहे. याबाबत पोलिसांनी सांगितले की, परळीत 6 जून रोजी मुनिमाच्या हातातील 4 लाख 90 हजार रुपय रोकड असलेली बॅग चोरीस गेली होती. याप्रकरणी २ संशयित आरोपींना 13 जून रोजी रात्री परळी शहर पोलिसांच्या एका पथकाने ताब्यात घेतले. मात्र, अचानक प्रकृती बिघडल्याने झरीन खान यांना उपजिल्हा रुग्णालयमध्ये पोलिसांनी दाखल केले होते. तेथे तपासून डॉक्टरांनी खान यांना मृत घोषित केले. तर याच प्रकरणात मलीकपुरा भागातीलच एकजण अटकेत आहे. खान यांचे आझाद चौकात गॅरेज आहे. झरीन खान यांच्या मृत्यूची घटना समजल्यानंतर पोलीस ठाण्याजवळ गर्दी जमली होती. अंबाजोगाईच्या अप्पर पोलीस अधीक्षक कविता नेरकर व स्थानिक पोलिसांनी गर्दीला नियंत्रित केले. पोलिसांनी गर्दीला सहकार्याचे आवाहन केले. सध्या शहरात पोलीस  बंदोबस्त वाढविण्यात आला असून शांतता आहे.