काशी जगद्गुरु डॉ.श्री चंद्रशेखर शिवाचार्य महास्वामी यांचे उद्या परळीत सामूहिक ईष्टलिंग महापूजा व आशिर्वचन
*परळी वैजनाथ/ प्रतिनिधी*
श्री वैजनाथ देवस्थान ट्रस्ट परळी यांच्या वतीने उद्या गुरुवार दिनांक 27 जुलै रोजी श्री श्री श्री 1008 डॉ.श्री क्षेत्र काशी जगद्गुरु डॉ. चंद्रशेखर शिवाचार्य महास्वामीजी यांच्या सामूहिक ईष्टलिंग महापूजा व आध्यात्मिक आशीर्वाचनाचे आयोजन परळी वैजनाथ येथे करण्यात आले आहे अशी माहिती श्री ष.ब्र. 108 नंदिकेश्वर शिवाचार्य महाराज मठ संस्थान सोनपेठ यांनी दिली.
उद्या गुरुवारी श्री वैजनाथ देवस्थान ट्रस्टच्या वतीने लोककल्याणार्थ श्री श्री 1008 जगद्गुरु डॉ.चंद्रशेखर शिवाचार्य महास्वामीजी श्रीक्षेत्र काशी यांचे सामूहिक ईष्टलिंग महापूजा व अध्यात्मिक आशीर्वाचन होणार आहे. सकाळी नऊ ते अकरा वाजता ईष्टलिंग महापूजा, बिल्वार्चन व तीर्थप्रसाद तर दुपारी बारा वाजता आध्यात्मिक आशीर्वचन श्री वैजनाथ मंदिर प्रवचन सभा मंडप येथे होणार आहे.
या धार्मिक कार्यक्रमाचा भाविक भक्तांनी मोठ्या संख्येने लाभ घ्यावा असे आवाहन मुख्य मार्गदर्शक श्री क्षेत्र 108 नंदिकेश्वर शिवाचार्य महाराज मठ संस्थान सोनपेठ व श्री वैजनाथ देवस्थान ट्रस्टच्या वतीने करण्यात आले आहे.
•••
टिप्पण्या
टिप्पणी पोस्ट करा