परळीमध्ये 26 ऑगस्ट रोजी प्रकाशन

 लढा! मराठवाडा मुक्ती संग्रामाचा !! विशेषांकाचे परळीमध्ये 26 ऑगस्ट रोजी प्रकाशन

..................

परळी वैजनाथ दिनांक 25 ऑगस्ट

नव्या पिढीला मराठवाडा मुक्ती संग्रामाचा जाज्वल्य इतिहास कळावा यासाठी भारतीय शिक्षण प्रसारक संस्था, अंबाजोगाई यांच्या वतीने मराठवाडा मुक्ती संग्रामाला 75 वर्षे पूर्ण होत असल्याचे औचित्य साधून सांस्कृतिक वार्तापत्राने संपादित केलेल्या " लढा! मराठवाडा मुक्ती संग्रामाचा !! " या विशेषांकाचे प्रकाशन परळी येथील भाशिप्र संचलित भेल सेकंडरी स्कूलमध्ये दिनांक 26 ऑगस्ट रोजी आयोजित करण्यात आलेला आहे. या विशेषांकाचे प्रकाशन ख्यातकीर्त सिनेअभिनेते व सुप्रसिद्ध वक्ते श्री राहुल सोलापूरकर यांच्या हस्ते होणार आहे.

       या कार्यक्रमाला सांस्कृतिक वार्तापत्र, पुणेच्या सौ. सुनीताताई पेंढारकर व किरण देशमुख यांची प्रमुख उपस्थिती राहणार आहे. या कार्यक्रमाच्या अध्यक्षस्थानी श्री जुगलकिशोर लोहिया राहणार आहेत. या प्रकाशन कार्यक्रमानंतर राहुल सोलापूरकर यांचे व्याख्यान होणार आहे. परळी वैजनाथ येथील टीपीएस कॉलनी मधील शाळेच्या केजी हॉलमध्ये सकाळी साडेअकरा वाजता हे व्याख्यान होणार आहे. या कार्यक्रमाला परळी शहरातील नागरिकांनी उपस्थित राहण्याचे आवाहन संयोजकांनी केले आहे.