आंदोलन: न्याय्य मागण्या :सहभागी व्हा

 आशा वर्कर्स व गटप्रवर्तकाचा वतीने 9 ऑगस्ट रोजी जिल्हा परिषदेवर मोर्चा

परळी वैजनाथ: बीड जिल्हा आशा वर्कर्स व गटप्रवर्तक युनियनच्या वतीने 9 ऑगस्ट रोजी बीड जिल्हा  परिषदेवर मोर्चा काढण्यात येणार आहे. या  मोर्चात आशा वर्कर्स व गटप्रवर्तक मोठ्या प्रमाणात सहभागी होणार आहेत अशी माहिती संघटनेचे नेते प्रा.बी.जी खाडे यांनी प्रसिद्धी पत्रकाद्वारे दिली आहे. 

         १. आशा व गटप्रवर्तकांना दिपावली भाउबीज म्हणून आशांना रू.१०,०००/- व गटप्रवर्तकांना रु.१५,०००/- भाउबीज देण्यात यावी. २. परळी तालुक्यातील आशांचा केंद्र सरकारचा कोवीड भत्ता ऑक्टोंबर २१ ते मार्च २०२२ सहामहिण्याचे रू.६०००/- देण्यात यावे. ३. आशा व गटप्रवर्तकाची नियुक्ती कामावर आधारीत मोबदल्यावर असल्यामुळे त्यांना कामाची सक्ती करू नये.४. आशाना कामे केल्याचे फोटो टाकायची सक्ती करू नये. ५. आशांना पी.एच.सी. मध्ये सर्व सुविधा पूरविण्यात याव्या.(उदा.- रूम टेबल, स्वच्छता गृह, साहित्य इ.)६. आशांना व गटप्रवर्तकांना ऑनलाईन ची कामे सांगताना ऑनलाईन साठी लागणारे साहित्य पूरविण्यात यावे व ऑनलाईनचा मोबदला देण्यात यावा.७. ज्या सर्वेचा अल्प मोबदला मिळत असेल त्या सर्वेची आशांना सक्ती करू नये.८. केज तालुक्यात सी. एच.ओ. नाहीत त्या ठिकाणचे आरोग्यवर्धीनी चा मोबदला थकित आहे तो देण्यात यावा.९. गटप्रवर्तकांना प्रत्येक सर्वेचा सुपर व्हिजनसाठीचा प्रतिदिनचा मोबदला देण्यात यावा. १०. आरोग्य खात्याशी निगडीत नसलेले कामे आशांना व गटप्रवर्तकांना सांगू नयेत आदी प्रमुख मागण्यांसाठी मोर्चा काढण्यात येणार आहे.

          या मोर्चात मोठ्या संख्येने सहभागी व्हावे असे आवाहन बीड जिल्हा आशा वर्कर्स व गटप्रवर्तक युनियनचे जिल्हाध्यक्ष शिवाजी कुरे,कार्याध्यक्ष सुभाष डाके, कोषाध्यक्ष सुवर्णा रेवले, सरचिटणीस किरण सावजी,उपाध्यक्ष उषा खाडे अर्चना पांचाळ, सहचिटणीस  उर्मिला शेंडगे,सदस्यअनिता चाटे, रामकुंवर कोथींबीरे, सविता होके,प्रशांत मस्के, निर्मला भागवत, छाया पोटभरे,उर्मिला जोगदंड, शेख शबाना,हेमा काळे,ओम पुरी,सलमा अन्सारी, भारती राख,सुनिता होळंबे,सावित्रा कदम,उषा औसे, आशा मुंडे आशा लांडगे, फरजाना शेख , लता आघाव, अर्चना मस्के ,उमा वाघमारे, आशा देशमुख, राजश्री थावरे, अनिता गिराम आदींनी केले आहे.