भेल स्कुलमध्ये रक्षाबंधन कार्यक्रम मोठया उत्साहात साजरा
भेल स्कुलमध्ये रक्षाबंधन कार्यक्रम मोठया उत्साहात साजरा
परळी वैजनाथ :-(दिनांक -30) भेल स्कूलमध्ये रक्षाबंधन कार्यक्रम मोठया उत्साहात साजरा. सर्वत्र रक्षाबंधन या सणाचा उत्साह असताना भेल स्कूल मध्येही विविध उपक्रम व स्पर्धा घेऊन हा सण मोठया उत्साहात साजरा करण्यात आला.रक्षाबंधन हा सण बहीण-भावाच्या अतूट व पवित्र नात्याचे प्रतीक असलेला सण म्हणून ओळखला जातो. या सणाच्या निमित्ताने भाऊ आपल्या बहिणीच्या संरक्षणाची जबाबदारी घेतो. तर बहीण आपल्या भावाला राखी बांधून त्याच्या उज्वल यशाची कामना व्यक्त करते. राखी पौर्णिमा हा भारतीय संस्कृतीमधील अतिशय प्राचीन व वैशिष्टपूर्ण असलेला सण आहे.विदयालयातील विद्यार्थिनींनी प्राचार्य, विभागप्रमुख, सर्व शिक्षक व कर्मचारी तसेच विदयार्थ्यांना राख्या बांधून औक्षवण केले. यावेळी विद्यालयात उत्साहाचे वातावरण होते. आज विद्यालयात राखी बनविण्याच्या स्पर्धेचे आयोजन करण्यात आले होते. झाडांची पाने, फुल, विविध धान्य व पेपर अस्या वस्तूपासून विद्यार्थ्यानी सुंदर राख्या आपल्या कल्पनेतून साकारल्या. या स्पर्धेसाठी परीक्षक म्हणून सविता राऊत मॅडम, आशा खोत मॅडम, सारिका अवचार मॅडम व गोहिल मॅडम यांनी काम पाहिले.स्पर्धा व कार्यक्रमाच्या यशस्वीतेसाठी सर्व शिक्षक व कर्मचारी यांनी योगदान दिले.
टिप्पण्या
टिप्पणी पोस्ट करा