राष्ट्रीय सेवा योजना व रेड रिबीन क्लबचा उपक्रम

न्यू हायस्कूल कॉलेजच्या रक्त तपासणी शिबिराला उत्स्फूर्त प्रतिसाद 

राष्ट्रीय सेवा योजना व रेड रिबीन क्लबचा उपक्रम

प्रतिनिधी (परळी वै.) : मराठवाडा शिक्षण प्रसारक मंडळ छत्रपती संभाजीनगर संचलित न्यू हायस्कूल कनिष्ठ महाविद्यालय व स्वामी विवेकानंद कला, वाणिज्य विज्ञान महाविद्यालयातील राष्ट्रीय सेवा योजना व महाराष्ट्र शासनाच्या रेड रिबीन क्लब यांच्या संयुक्त विद्यमाने मोफत रक्त तपासणी शिबिराचे आयोजन दि. 23 ऑगस्ट रोजी करण्यात आले होते.

                               शहरातील थर्मल कॉलनी परिसरातील न्यू हायस्कूल कनिष्ठ महाविद्यालय व स्वामी विवेकानंद कला, वाणिज्य व विज्ञान महाविद्यालयातील राष्ट्रीय सेवा योजना विभाग व रेड रिबीन क्लब यांच्या संयुक्त विद्यमाने महाविद्यालयातील विद्यार्थी, प्राध्यापक, पालक तसेच परिसरातील नागरिकांसाठी मोफत रक्त तपासणी शिबिराचे आयोजन करण्यात आले होते. यावेळी मंचावर परळी येथील उपजिल्हा रुग्णालयाच्या आय.सी.टी.सी. विभागाचे शरद चव्हाण, अमोल गालफाडे, अविनाश व्हावळे, प्राचार्य बी.ए. नाईकनवरे , प्राचार्या डॉ. वनमाला गुंडरे, मराठवाडा शिक्षण प्रसारक मंडळ छत्रपती संभाजीनगरचे सदस्य अजय सोळंके, उपप्राचार्य सुनील लोमटे, प्रा. रविशंकर स्वामी, प्रा. राजू कोकलगावे आदी मान्यवर उपस्थित होते. याप्रसंगी महाविद्यालयातील 130 विद्यार्थ्यांची मोफत रक्त तपासणी करण्यात आली. कार्यक्रमाचे प्रास्ताविक उपप्राचार्य सुनील लोमटे यांनी केले. तर सूत्रसंचालन राष्ट्रीय सेवा योजनेचे कार्यक्रमाधिकारी प्रा. डॉ. अंकुश वाघमारे व आभार प्रा. बाळासाहेब देशमुख यांनी मानले. कार्यक्रमाच्या यशस्वीतेसाठी न्यू हायस्कूल कनिष्ठ महाविद्यालय व स्वामी विवेकानंद वरिष्ठ महाविद्यालयातील प्राध्यापक, कर्मचारी वृंद यांनी परिश्रम घेतले. यावेळी विद्यार्थी मोठ्या संख्येने उपस्थित होते.