ग्राहक व ठेवीदारांच्या विश्‍वासावर वाटचाल -बाजीराव धर्माधिकारी

 स्वा.वि.दा.सावरकर नागरी सहकारी पतसंस्थेची वार्षिक सर्वसाधारण सभा खेळीमेळीत

● सभासदांना १०  टक्के लाभांश जाहीर●

ग्राहक व ठेवीदारांच्या विश्‍वासावर  वाटचाल -बाजीराव धर्माधिकारी

परळी वैजनाथ /प्रतिनिधी-दि.

          शहरातील बँकींग क्षेत्रात ग्राहक सेवेत तत्पर व बँकीग व्यवहारात विश्‍वासार्ह पतसंस्था म्हणुन असलेली ओळख कायम ठेवत पतसंस्थेने गेल्या आर्थिक वर्षात मार्च 2023 अखेर उत्कृष्ट ताळेबंद निर्माण केला आहे.स्वा.वि.दा.सावरकर नागरी सहकारी पतसंस्थेची वार्षिक  सर्वसाधारण सभा खेळीमेळीत पार पडली.

         

        संस्थेच्या कार्यालयात आज अध्यक्ष बाजीराव धर्माधिकारी यांच्या अध्यक्षतेखाली वार्षिक  सर्वसाधारण सभा झाली. या वेळी आहवाल व ताळेबंद सभेत सादर करण्यात आला. सरत्या आर्थिक वर्षात 31 मार्च 2023 अखेर संस्थेची अर्थिकस्थिती पाहता संस्थेने उत्कृष्ट ताळेबंद निर्माण केला आहे. विषेश म्हणजे अल्पावधीतच पतसंस्थेतील ठेवी- 40 कोटी 76 लाख 91 हजार 232,भागभांडवल- 69लाख 57हजार 550 ,कर्ज- 32 कोटी 58 लाख 50 हजार 649,गुंतवणूक 13 कोटी 13 लाख 85 हजार 332,निव्वळ नफा 76 लाख 47 हजार 294 इतका आहे.

     पतसंस्थेच्या या प्रगतीशील वाटचालीत सर्व खातेदार, ठेवीदार,कर्जदार, हितचिंतक यांचा विश्‍वास हेच पाठबळ आहे असे अध्यक्ष बाजीराव भैय्या धर्माधिकारी यांनी सांगितले.यावेळी संस्थेचे चेअरमन  बाजीराव भैय्या धर्माधिकारी यांना भारतरत्न डाॅ.ए.पी.जे. अब्दुल कलाम नॅशनल एक्सलन्स अवॉर्ड मिळाल्याबद्दल सभासदांच्या वतीने सत्कार करण्यात आला. या सर्वसाधारण सभेला पतसंस्थेचे उपाध्यक्ष अनिल आष्टेकर,सचिव जितेंद्र नव्हाडे ,कोषाध्यक्ष रवि वळसे, संचालक श्रीकांत मांडे,राजाभाऊ मराठे, रंगनाथ सावजी, रवि मुळे,दशरथ होळकर, डॉ.सौ.श्रध्दा देशपांडे, सौ.पद्मश्री धर्माधिकारी  यांच्यासह संस्थेचे व्यवस्थापक किरण सावजी यांच्यासह सर्व कर्मचारी वृंद, नित्यसंचय ठेव प्रतिनीधी यांच्या सह सभासद मोठ्या संख्येने उपस्थित होते. सभा यशस्वी करण्यासाठी अश्विन बुरकुले,महेश घेवारे,राहुल सारस्वत,अजिंक्य कुलकर्णी,जालिंदर गिरी, शुभम काकडे,वंदना बनसोडे आदी कर्मचाऱ्यांनी परिश्रम घेतले.