मराठा आरक्षणासाठी केली होती आत्महत्या
मोरे कुटुंबीयास शासनाची दहा लाखांची मदत
पालकमंत्री धनंजय मुंडेंच्या प्रयत्नातून तातडीने मदत कुटुंबियांना सुपूर्द
परळी वैद्यनाथ (दि. 28) - मराठा समाजाला आरक्षण मिळावे या मागणीतून आत्महत्या केलेल्या परळी वैद्यनाथ तालुक्यातील गोवर्धन (हि.) येथील तरुणाच्या कुटुंबाला राज्य शासनाच्या वतीने 10 लाखांची मदत पालकमंत्री धनंजय मुंडे यांच्या प्रयत्नातून तातडीने मंजूर करण्यात आली असून, या रकमेचा धनादेश संबंधित कुटुंबास आज प्रशासनाच्या वतीने सुपूर्द करण्यात आला.
परळी तालुक्यातील गोवर्धन गावच्या गंगाभीषण मोरे या तरुणाने काही दिवसांपूर्वी मराठा समाजाला आरक्षण मिळावे या मागणीतून आत्महत्या केली होती. मोरे यांच्या कुटुंबियास मुख्यमंत्री सहाय्यता निधीतून तातडीने आर्थिक मदत मिळावी यासाठी यशस्वी प्रयत्न केले.
आज मोरे कुटुंबाला 10 लाखांची मदत धनादेशाच्या स्वरूपात परळीचे तहसीलदार व्यंकटेश मुंडे यांच्या हस्ते सुपूर्द करण्यात आली. यावेळी लक्ष्मण तात्या पौळ, राजाभाऊ चाचा पौळ, दत्ता मोरे, गणेश पौळ, भागावत रासवे, बीबीशन जाधव, वैजनाथ जाधव, नायब तहसिलदार बाबुराव रुपनर, यांसह मयत मोरे यांच्या पत्नी श्रीमती कविता मोरे व कुटुंबातील अन्य सदस्य उपस्थित होते.
टिप्पण्या
टिप्पणी पोस्ट करा