माजलगाव तहसील कार्यालयात पोलीस पाटील पदाचे आरक्षण सोडत
माजलगाव तहसील कार्यालयात पोलीस पाटील पदाचे आरक्षण सोडत
बीड दि. 23, (जिमाका) :बीड जिल्हृयातील सर्व उपविभागातील पोलीस पाटील रिक्त पदे भरण्याबाबत कालबध्द कार्यक्रम जाहीर झाला असून कालबध्द कार्यक्रमाच्या अनुषंगाने माजलगाव उपविभागातील संबंधित गावातील रिक्त असलेल्या पोलीस पाटील पदाचे गावनिहाय आरक्षण जाहीर करावयाचे आहे.
माजलगाव उपविभागातील माजलगाव, धारुर, वडवणी या तीन तालुक्यामध्ये मिळून एकूण 193 पोलीस पाटील यांचे पदे रिक्त असून ज्या गावातील पदे रिक्त आहेत ते विचारात घेवुन लोकसंख्येच्या टक्केवारी आधारे प्रवर्ग निहाय आरक्षण व त्यामधून 30 टक्के महिला आरक्षण सोडत काढण्यात येणार आहे.
सदर प्रवर्ग निहाय आरक्षण दि. 6 डिसेंबर 2023 रोजी सकाळी 11.00 वाजता तहसील कार्यालय माजलगाव येथील बैठक हॉलमध्ये काढण्याचे निश्चित केले असून पोलीस पाटील पद रिक्त असलेल्या गावातील नागरीकांनी आरक्षण सोडतीस उपस्थित राहता येईल, असे माजलगावचे उपविभागीय कार्यालयाचे, उपविभागीय दंडाधिकारी यांनी प्रसिध्दी पत्रकाव्दारे कळविले आहे.
टिप्पण्या
टिप्पणी पोस्ट करा