मोठी बातमी : मुख्यमंत्री, उपमुख्यमंत्र्यांसह पंकजा मुंडे शासन आपल्या दारी कार्यक्रमात राहणार उपस्थित

 मोठी बातमी : मुख्यमंत्री, उपमुख्यमंत्र्यांसह पंकजा मुंडे शासन आपल्या दारी कार्यक्रमात राहणार उपस्थित

परळी वैजनाथ, प्रतिनिधी...
          परळी वैजनाथ येथे शासन आपल्या दारी कार्यक्रम आज होणार आहे. या कार्यक्रमासाठी राज्याचे मुख्यमंत्री, दोन्ही उपमुख्यमंत्री ,मंत्रिमंडळातील अनेक मंत्री उपस्थित राहणार आहेत. या कार्यक्रमाला भारतीय जनता पक्षाच्या राष्ट्रीय सचिव माजी मंत्री पंकजा मुंडे या सुद्धा आता उपस्थित राहणार आहेत.
          परळी वैजनाथ येथे आज दिनांक पाच रोजी शासन आपल्या दारी हा कार्यक्रम होत असून या कार्यक्रमाची भव्य दिव्य तयारी करण्यात आली आहे. तसेच परळीत येणाऱ्या मंत्रिमहोदयांचे जोरदार स्वागत करण्यात येणार आहे. या स्वागताच्या तयारीतच सगळ्या कट आउट व होर्डिंग्जवर पंकजा मुंडे यांची छायाचित्रे झळकले होते. त्याचप्रमाणे पंकजा मुंडे या कार्यक्रमाला उपस्थित राहणार का याची सर्वांनाच उत्सुकता होती. दरम्यान आत्ताची सर्वात मोठी बातमी हाती आली असून भारतीय जनता पक्षाच्या राष्ट्रीय सचिव पंकजा मुंडे या परळी येथे होणाऱ्या कार्यक्रमासाठी मुख्यमंत्र्यांसमवेतच हेलिकॉप्टरने परळी येथे येणार असून गोपीनाथगडावर त्या मुख्यमंत्री उपमुख्यमंत्री  यांचे स्वागत करणार आहेत. त्याचप्रमाणे त्या संपूर्ण कार्यक्रमात उपस्थित राहणार आहे. मुख्य कार्यक्रमस्थळीही पंकजा मुंडे उपस्थित राहणार असल्याची माहिती हाती आली आहे.