भरवस्तीत जेष्ठ साहित्यिकाची मोटारसायकल टाकली जाळून

 भरवस्तीत जेष्ठ साहित्यिकाची मोटारसायकल टाकली जाळून

अंबाजोगाई : अंबाजोगाई शहरात एक धक्कादायक घटना समोर आली आहे. घराच्या पोर्चमध्ये घुसून अज्ञात व्यक्तीने पेट्रोलचे बोळे टाकून एका जेष्ठ साहित्यिकाची मोटारसायकल जाळली आहे. हा प्रकार शहरातील भरवस्तीत दीनदयाळ कॉलनीत रविवारी पहाटे घडला.

या बाबत प्राप्त माहिती अशी की, येथील दीनदयाळ कॉलनीत ज्येष्ठ साहित्यिक, शिक्षक दिनकर वासुदेवराव जोशी राहतात. अज्ञात व्यक्तीने रविवारी पहाटे पेट्रोलचे बोळे टाकून जोशी यांची मोटारसायकल पेटवून दिली आणि तो व्यक्ती पळून गेला. या आगीत एमएच 44, व्ही, 8632 या क्रमांकाची ड्रीम न्युयो होंडा कंपनीची मोटारसायकल जळून खाक झाली. 

या घटनेत जोशी यांचे अंदाजे 50 हजार रुपयांचे नुकसान झाले आहे. या प्रकरणी दिनकर जोशी यांच्या फिर्यादीवरुन शहर पोलिस ठाण्यात अज्ञात व्यक्तीविरुद्ध गुन्हा नोंद झाला आहे. या घटनेचा अधिक तपास अंबाजोगाई शहर पोलीस करित आहेत.