निवडणुकांच्या पार्श्वभूमीवर कारवाया

 परळी पोलिस ॲक्शन मोडमध्ये !

कोम्बिग ऑपरेशन राबवत फरार 18 आरोपी ताब्यात;तीन तलवारी जप्त 

परळी (प्रतिनिधी)

 परळी शहर,संभाजीनगर व ग्रामीण पोलिस ठाण्याच्या वतिने शुक्रवारी (दि.5 एप्रिल) रात्री लोकसभा निवडणुकीच्या पार्श्वभूमीवर परळी तालुक्यात गस्त घालुन ठिकठिकाणी तपासणी करण्यात आली.यामध्ये विविध गुन्ह्यामध्ये फरार असलेल्या 18 आरोपींना ताब्यात घेण्याबरोबरच तीन तलवारी व हातभट्टी दारु अड्डयावर छापा टाकत गुन्हे दाखल केले.

 लोकसभा निवडणुकीच्या पार्श्वभूमीवर परळी पोलिस ॲक्शन मोडमध्ये असुन शुक्रवार दि.5 एप्रिल रोजी रात्री 11 ते पहाटे 4 या वेळेत परळी शहरासह तालुक्यात पोलिस उपाधिक्षक चोरमले,परळी शहर पोलिस ठाण्याचे पोनि.संजय लोहकरे,संभाजीनगर पोलिस ठाण्याचे पोनि उस्मान शेख,ग्रामीण पोलिस ठाण्याचे पोनि मनिष पाटिल यांच्यासह 23 कर्मचारी व आरसीपी ची एक प्लॅटुन अशा फोजफाट्यासह संयुक्त कारवाई करण्यात आली.यात  विविध गंभीर गुन्ह्यातील दोन वर्षांपासुन फरार असलेल्या 18 आरोपीसह टोकवाडी,फुलेनगर या भागातुन तीन तलवारी जप्त करण्यात आल्या.गंगासागर नगर भागात सुरु असलेल्या हातभट्टी अड्डयावर छापा टाकत 2200 रुपयांचे रसायन जप्त करत एकास अटक केली.परळी पोलिसांच्या या कोबिंग ऑपरेशनमुळे गुन्हेगारांचे धाबे दणाणले आहे.