३९ लाखाच्या विटांचा व्यवहार: फसवणूक प्रकरणी परळी शहर पोलीसांनी हैदराबादेतून आरोपीला केलं अटक

 ३९ लाखाच्या विटांचा व्यवहार: फसवणूक प्रकरणी परळी शहर पोलीसांनी हैदराबादेतून आरोपीला केलं अटक

परळी वैजनाथ, प्रतिनिधी.......
      ३९ लाखाच्या विटांचा व्यवहार करुन  हैदराबादच्या एकाने परळीतील वीट उद्योग व्यापाऱ्याची  फसवणूक केल्याप्रकरणी परळी शहर पोलीस ठाण्यात गुन्हा दाखल करण्यात आला होता. याप्रकरणी परळी शहर पोलीसांनी हैदराबादेतून आरोपीला अटक केली आहे.
      परळीतील फिर्यादी शेख मकसूद मुजीब शेख रा. इस्लामपुरा बंगला परळी वै. यांच्याशी आरोपी खैसर अकबर पठाण रा. हैद्राबाद याने वीटा खरेदीचा व्यवहार केला.यातील आरोपीने फिर्यादीकडून 39,02,700/- रुपयांच्या विटा घेवुन गेला. त्यापैकी एकुण रक्कम रुपये 25,00,000/- (पंचवीस लाख रुपये) फिर्यादीच्या खात्यावर पाठवले. अजुन त्याच्याकडे बाकी 1402,700/- (चौदा लाख दोन हजार सातशे) रुपये असुन त्यापैकी  11,42,000/- चा चेक दिला मात्र तो चेक वटला नाही. तो खोटा व बनावट धनादेश देवुन एकुण 1404,700/- (चौदा लाख दोन हजार सातशे) रुपयांची फसवणुक करुन  विश्वासघात केला. असा तक्रार अर्ज दिल्याने अर्ज चौकशी वरुन आरोपीविरुद्ध परळी शहर पोलीस ठाण्यात गुन्हा दाखल करण्यात आलेला आहे.
      या प्रकरणात परळी शहर पोलीसांनी तपासाची सुत्रे हालवली. हैद्राबाद येथे जावुन आरोपीचा शोध घेतला.आरोपी खैसर अकबर पठाण रा. हैद्राबाद यास अटक केली.सपोनि ससाणे,भास्कर केंद्रे,गोविंद भताने,आदींनी ही कामगिरी केली आहे.