आगामी निवडणुकांत भाजपाला यश मिळवायचे असेल तर पंकजा मुंडे यांना विधानपरिषदेवर घ्या - अश्विन मोगरकर
आगामी निवडणुकांत भाजपाला यश मिळवायचे असेल तर पंकजा मुंडे यांना विधानपरिषदेवर घ्या - अश्विन मोगरकर
परळी वैजनाथ, प्रतिनिधी...
पंकजा मुंडे यांना विधानपरिषदेच्या रिक्त होणाऱ्या जागेवर घेऊन महाराष्ट्रातील जनमानसातील नेतृत्वास न्याय द्यावा अशी मागणी भाजपाचे अश्विन मोगरकर यांनी प्रसिद्धीपत्रकाद्वारे केली आहे.
विधानपरिषदेच्या महाराष्ट्रातील 11 जागांचा निवडणूक कार्यक्रम जाहीर झाला आहे. यात पंकजा मुंडे यांना विधानपरिषदेवर घेऊन महाराष्ट्रातील जनमानसातील रणझुंझार नेतृत्वाचा भारतीय जनता पक्षाने सन्मान करावा.राष्ट्रीय सचिव पंकजा मुंडे यांच्यामुळे भारतीय जनता पक्षाला आगामी नगरपालिका, महानगरपालिका, जिल्हापरिषदेसह इतर स्थानिक स्वराज्य संस्थांच्या निवडणुकीत भरघोस यश मिळू शकते. नुकत्याच झालेल्या लोकसभा निवडणुकीत पंकजा मुंडे यांचा निसटता पराभव झाला आहे. या मुळे बीड जिल्ह्यासह महाराष्ट्रात दुःखाची लाट पसरली असून अनेक अप्रिय घटना यामुळे घडल्या आहेत.हा पराभव अनेकांच्या जिव्हारी लागला आहे. भारतीय जनता पक्षाने मागील पाच वर्षात अनेक वेळा संधी नाकारल्याने अगोदरपासूनच आम्हा कार्यकर्त्यांत नाराजी आहे.
महाराष्ट्रातील आगामी विधानपरिषद जागेवर पंकजा मुंडे यांची आमदार म्हणून नियुक्ती झाल्यास महाराष्ट्रातील आमच्यासारख्या भाजप कार्यकर्त्यांत पक्षाबद्दल चांगला संदेश जाऊन आगामी निवडणुकीत पक्षाला याचा निश्चितच फायदा होईल. पक्षाने तात्काळ निर्णय घेऊन पंकजा मुंडे यांना विधानपरिषदेवर घ्यावे अशी मागणी भाजपाचे अश्विन मोगरकर यांनी केली आहे.
टिप्पण्या
टिप्पणी पोस्ट करा