सोमवारी माजलगाव शहर बंद चे अवाहन

 चिमुरडीवर अत्याचार :नराधम शिक्षकास अटक :४ दिवसाची पोलिस कोठडी

 सोमवारी माजलगाव शहर बंद चे अवाहन 

----------------------------------------

माजलगाव दि.६(प्रतिनिधी)-दोन दिवसापूर्वी येथील एका शाळेत अल्पवयीन साडेपाच वर्षाच्या मुलीवर अत्याचार केल्याप्रकरणी त्याच शाळेतील नराधम शिक्षकास पोलिसांनी अटक केली व आरोपीस माजलगाव न्यायालयासमोर हजर केले असता ४दिवसाची पोलिस कोठडी देण्यात आली आहे.

   राज्यात शाळेत शिक्षण घेणाऱ्या शाळकरी मुलींवर अत्याचाराच्या  घटनांची मालिका सुरूच असून बीड जिल्ह्यातील माजलगाव येथील एका शाळेतील बालवाडीत साडेपाच वर्षाच्या मुलीवर अत्याचार केल्याची घटना २५ ते २८ सप्टेंबर दरम्यान घडली.या घटनेप्रकरणी मुलीच्या पालकांच्या तक्रारीवरून गुरूवारी अज्ञात व्यक्ती विरोधात लैंगिक अत्याचार गुन्हा दाखल करण्यात आला.तर शहरात सर्वत्र संताप व्यक्त होत आहे.

       माजलगाव शहरात एका  शाळेत बालवाडी आहे. त्यामध्ये परिसरातील लहान मुले मुली दररोज येतात या परिसरातीलच एक साडेपाच वर्षाची चिमुरडी नियमित शाळेत येते तिला शाळेतील एका अज्ञात इसमाने दि .२५ ते २८ सप्टेंबर रोजी डबा खाल्यानंतर अत्याचार केला. घटनेनंतर चिमुरडी  ताप येऊन आजारी पडली त्यामुळे तिला दवाखान्यात उपचार करण्यात आले.घरी आल्यावर तिने शाळेत झालेली ही गोष्ट आपल्या पालकांना सांगितली.पांढरे कपडे घातलेला माणसाला मी ओळखते असेही सांगितले. या घटनेनंतर चिमूरडीच्या पालकांनी माजलगाव शहर पोलीस ठाण्यात गुरूवारी तक्रार दिली त्यानुसार अज्ञात व्यक्ती विरुद्ध लैंगिक अत्याचार पोस्को गून्हा दाखल करण्यात आला होता. या घटनेनंतर पोलिसांनी सदरील अल्पवयीन मुलीची अंबाजोगाई येथील शासकीय वैद्यकीय रुग्णालयात वैद्यकीय तपासणी केली तर या घटनेचे गांभीर्य ओळखून उपविभागीय अधिकारी धीरजकुमार बच्चू व पोलीस निरीक्षक राहुल सूर्यतळ यांचे सह पोलीस उपनिरीक्षक सुनील दिंडे यांनी सदरील शाळेची चौकशी करून तेथील सीसीटीव्ही ची तपासणी केली तसेच या शाळेतील सर्व शिक्षकांची ओळख परेड घेतली तसेच शिक्षकांच्या फोटो मधून सदरील चिमुरडीने आरोपी शिक्षकाचा फोटो पाहून त्याची ओळख पटवली त्यानंतर पोलिसांनी संबंधित नराधाम शिक्षकास अटक केली आहे.सदरील आरोपीस माजलगाव न्यायालयासमोर हजर केले असता मा.न्यायालयाने आरोपी नराधाम शिक्षकास ४ दिवसाची पोलीस कोठडी देण्यात आली.

      तर या प्रकरणी लहान चिमुरडीवर झालेल्या अत्याचाराचे माजलगावात तिव्र पडसाद उमटत  असतानाच उद्या माजलगाव बंद चे अहवान करणार असल्याचे निवेदन माजलगाव शहर पोलिसांत दिले आहे.