MB NEWS : दर्जा बातमीचा... आवाज जनसामान्यांचा..मागोवा बातमी मागच्या बातमीचा !

 चोरट्यांचा सुळसुळाट: परळी बसस्थानकात बसमध्ये चढतांना सोन्याचे मनीमंगळसुत्र तोडून लंपास

परळी वैजनाथ, प्रतिनिधी...
      सध्या परळी वैजनाथ शहरात चोरट्यांचा प्रचंड सुळसुळाट झाला आहे.बसस्थानकात बसमध्ये चढतांना एका महिलेच्या गळ्यातील सोन्याचे मनी मंगळसूत्र तोडून लंपास करण्यात आले आहे.याप्रकरणी संभाजीनगर पोलीस ठाण्यात फिर्याद दाखल करण्यात आली आहे.
       पोलीस ठाण्यात दाखल करण्यात आलेल्या फिर्यादीनुसार, कांगणेवाडी ता.आंबाजोगाई जि. बीड. येथील 65 वर्षीय फिर्यादी रुक्मीणबाई बालासाहेब कांगणे या दि. 21/10/2024 रोजी दुपारी 2.00 वा सुमारास परळी बसस्थानक येथे परळी - धर्मापुरी बस मध्ये चढत असतांना अज्ञात आरोपीने या महिलेच्या गळ्यातील सोन्याचे मनी मंगळसूत्र तोडून लंपास केले आहे.त्या परळी वै. बस स्थानक येथुन धर्मापुरी कडे जाण्यासाठी परळी - धर्मापुरी बस मध्ये चढत असताना गर्दीचा फायदा घेवुन त्यांच्या गळ्यातील 9½ ग्रॅम वजनाचे जुने वापरते सोन्याचे मनी मंगळसुत्र  (एकुण किंमत अंदाजे 65,000/ रुपये)  अज्ञात चोरट्यांने तोडुन काढुन चोरून नेले. याप्रकरणी अज्ञात आरोपीविरुद्ध गुरन 176/2024 कलम 303 (2) बी.एन.एस. प्रमाणे गुन्हा दाखल करण्यात आला आहे.पुढील तपास पोह समाधान भाजीभाकरे हे करीत आहेत.