परळी मतदारसंघात आत्तापर्यंत 40 टक्के मतदान

परळी मतदारसंघात आत्तापर्यंत 40 टक्के मतदान

 परळी वैजनाथ, प्रतिनिधी....

        विधानसभा निवडणूक 2024 च्या अनुषंगाने आज सकाळपासून प्रत्यक्ष मतदानाला सुरुवात झाली असून दुपारी तीन वाजेपर्यंत परळी मतदारसंघात अंदाजे 40 टक्के मतदान झाले आहे संपूर्ण महाराष्ट्राचे लक्ष लागलेल्या परळी विधानसभा मतदारसंघात सकाळपासून अतिशय शांततेने मतदानाची प्रक्रिया सुरू असल्याची माहिती निवडणूक विभागाने दिली आहे त्याचप्रमाणे सकाळच्या टप्प्यामध्ये मोठ्या संख्येने मतदारांनी प्रतिसाद देत रांगेत उभे राहून आपल्या मतदानाचा हक्क बजावला आहे दुपारी एक वाजेपर्यंत चा निवडणूक विभागाच्या अधिकृत अहवाल निवडणूक विभागाला सादर करण्यात आला असून दुपारी एक पर्यंत परळी मतदारसंघात 36.23% इतके मतदान झाले होते आत्ता तीन वाजेपर्यंत परळी विधानसभा मतदारसंघाची मतदानाची गती पाहता हे मतदाना अंदाजे 40% झाले आहे एकंदरीतच मतदानाच्या प्रक्रियेत मतदारांची चांगली गती दिसून येत आहे