जिल्ह्यात परळीत सर्वाधिक तर बीड मतदारसंघात सर्वात कमी मतदान!

अचूक अन् अधिकृत आकडेवारी आली : जिल्ह्यात सर्वाधिक परळी मतदारसंघात 75.27 टक्के मतदान

 परळी वैजनाथ, प्रतिनिधी...

       संपूर्ण महाराष्ट्राचे लक्ष लागलेल्या परळी विधानसभा मतदारसंघात आज प्रत्यक्ष निवडणूक प्रक्रिया पार पडली. या निवडणुकीत परळी मतदार संघात विक्रमी मतदान झाले असुन एकूण  75.27 टक्के इतके मतदान झाले आहे. निवडणूक विभागाकडून अचुक अन् अधिकृत आकडेवारी आली असुन जिल्ह्यात सर्वाधिक परळी मतदारसंघात 75.27 टक्के मतदान झाले आहे.

     परळी विधानसभा मतदारसंघ निवडणुकीच्या प्रक्रियेत  दि. 20 रोजी सकाळी सात वाजल्यापासून प्रत्यक्ष मतदान प्रक्रियेला सुरुवात झाली. सकाळपासूनच मतदारांनी घराबाहेर पडून उस्फूर्तपणाने मतदान केले. संपूर्ण दिवसभर मतदानाची गती चांगली असल्याचेच दिसून आले. मतदार संघातील व परळी शहरातील सर्वच मतदान केंद्रे मतदारांनी गजबजुन गेल्याचे दिसून आले. दुपारी 3 वाजेपर्यंतच्या निवडणूक विभागाच्या अहवालानुसार सरासरी 50 टक्के मतदान पार पडले होते.
         मतदान करण्याची वेळ संपल्यानंतर मतदानाची टक्केवारी ही 75.27 टक्के इतकी झाली. निवडणूक विभागाकडून अंतिम आकडेवारी अचूक करून अधिकृत टक्केवारी जाहीर करण्यात आली आहे. या मतदानाच्या आकडेवारीवरून सरासरी परळी मतदारसंघात एकूण 75.27 टक्के इतके मतदान झाले आहे. एकंदरीतच परळी विधानसभा मतदारसंघासाठी मोठ्या प्रमाणावर व उत्स्फूर्तपणाने मतदान झाले आहे. मतदानाचा वाढलेला टक्का कोणत्या उमेदवाराच्या फायद्याचा राहील हे मात्र दि. 23 रोजी जाहीर होणाऱ्या निकालातूनच स्पष्ट होणार आहे.