ऐन निवडणूक काळात प्रशासन ॲक्शन मोडवर

मोठी बातमी: परळी तालुक्यात पुन्हा गांजाची लागवड उघड: प्रशासनाकडून जप्तीची कारवाई 

परळी वैजनाथ, प्रतिनिधी...

        परळी तालुक्यातील काही भागात गांजाची लागवड होण्याच्या घटनेने काही वर्षांपुर्वी खळबळ उडून दिलेली होती. एकेकाळी संपूर्ण देशात परळीची गांजाची शेती चर्चेत आली होती. त्यानंतर आता ऐन निवडणूक काळात महसूल व पोलीस प्रशासनाने संयुक्त कारवाई करत परळी तालुक्यातीलच नागपिंपरी शिवारात गांजाची लागवड पुन्हा उघड केली असून या ठिकाणी जप्तीची कारवाई करण्यात आली आहे.

       मौ नागपिंपरी ता परळी वै जि बीड येथे गांजा जप्ती कारवाई करण्यात आली.अंबाजोगाई ग्रामीण पोलीस स्टेशन चे पीआय पडवळ ,एपीआय खोडेवाड, दिंद्रुड पो स्टे,बी. एल .रुपनर नायब तहसीलदार, तलाठी मंडळ अधिकारी व ईतर 25-30 पोलीस कर्मचारी यांची संयुक्त कारवाई करत गांजा जप्तीची कारवाई केली आहे.  20किलो 770ग्राम एवढा ओला व सुका गांजा जप्त करण्यात आला आहे.नागपिंपरी यथे गोपनीय माहितीवरुन आरोपी विश्वास नामदेव बड़े वय ६० वर्ष याने त्याचे शेतातिल कपासी व तुरीमध्ये गांजाची ३२ झाड़े लावलेले मिळून आली. त्याचे वजन २१ किलो असुन किमत ४१७४०० रु चा मुद्देमाल जप्त करण्यात आला आहे.पुढील तपास अंबाजोगाई ग्रामीण स.पो.नि पडवळ हे करीत आहेत.