नॅशनल टेस्टिंग एजन्सीने दिली माहिती..

 मस्साजोग सरपंच संतोष देशमुख हत्या प्रकरणात मोठी अपडेट: आणखी एक आरोपी अटक

केज-:  राज्यात गाजत असलेल्या मस्साजोगचे सरपंच संतोष देशमुख  हत्या प्रकरणात मोठी अपडेट असुन या प्रकरणात आणखी एका आरोपीस अटक करण्यात पोलीसांना यश मिळाले आहे.

   केज तालुक्यातील मस्साजोगचे सरपंच संतोष देशमुख हत्या प्रकरणात एक मोठी अपडेट आहे. पोलिसांनी आणखी एका आरोपीस पकडलं आहे. या हत्या प्रकरणातील अटकेत असलेल्या आरोपींची संख्या आता चार वर गेली आहे.  संतोष देशमुख यांची 9 डिसेंबर रोजी अपहरण करून हत्या करण्यात आली होती. संतोष देशमुख यांची गाडी अडवली. सहा ते सात जणांनी त्यांचं अपहरण केलं. त्यांना बेदम मारहाण करुन नंतर त्यांची हत्या करण्यात आली. आतापर्यंत या प्रकरणात तीन आरोपींना अटक करण्यात आली होती, आता विष्णू चाटे या चौथ्या आरोपीला अटक करण्यात आले आहे.