राष्ट्रीय मतदार दिनानिमित्त सामूहिक शपथ

 राष्ट्रीय मतदार दिनानिमित्त यशवंतराव चव्हाण कनिष्ठ महाविद्यालयात सामूहिक शपथ

भारत हा लोकशाही प्रधान देश आहे - व्यंकटेश मुंडे

परळी प्रतिनिधी 

भारत निवडणूक आयोगाद्वारे राष्ट्रीय मतदार दिनानिमित्त मतदार जनजागृती अभियान राबविण्यात येत असून या अनुषंगाने नाथ शिक्षण संस्था संचलित यशवंतराव चव्हाण कनिष्ठ महाविद्यालयात परळीचे तहसीलदार व्यंकटेश मुंडे साहेब व महाविद्यालयाचे प्राचार्य प्रा.अतुल दुबे यांच्या उपस्थितीत सामूहिक शपथ घेण्यात आली. 

नाथ शिक्षा संस्था संचलित यशवंतराव चव्हाण कनिष्ठ महाविद्यालयाच्या वतीने राष्ट्रीय मतदार दिनानिमित्त सामूहिक शपथ, व्याख्यान, मतदार जनजागृती रॅलीचे आयोजन करण्यात आले असून याची सुरुवात परळीचे तहसीलदार व्यंकटेश मुंडे साहेब यांच्या उपस्थितीत सामूहिक शपथ घेऊन करण्यात आली. याप्रसंगी बोलताना तहसीलदार वेंकटेश मुंडे म्हणाले की जगाच्या पाठीवरती आपला भारत देश हा लोकशाही प्रधान देश आहे याचा आम्हा भारतीयांना अभिमान आहे ही आदर्श लोकशाही पुढे नेण्याचे कार्य येणाऱ्या पिढीला करावयाचे आहे यासाठी आपल्या परिसरातील एकही व्यक्ती मतदानापासून वंचित राहणार नाही व 18 वर्षे पूर्ण झालेल्या युवकांनी आपले नाव मतदार यादी मध्ये नोंदवणे गरजेचे आहे.

यावेळी महाविद्यालयाचे प्राचार्य प्रा.अतुल दुबे , परळीचे तलाठी व्ही. एस.गित्ते,यश कनिष्ठ महाविद्यालयाचे प्राचार्य आर.बी.गुट्टे, प्रा.ए.ए.मुंडे मॅडम, प्रा.यु.एन.फड, प्रा.ए.डी.शेख, प्रा.पी. पी.तिडके मॅडम, प्रा. पी.पी.परळीकर, एस.यु.पवार, व्ही. एन.शिंदे, जी.व्ही. कांबळे, ए.बी. जगतकर, यु.बी. जगताप यांच्यासह महाविद्यालयातील विद्यार्थी-विद्यार्थिनी मोठ्या संख्येने उपस्थित होते.