गायींना गुंगीचे औषध देणाऱ्यांना तात्काळ अटक करा !

परळीतील 'त्या' संतापजनक प्रकाराची ना. पंकजा मुंडेंनी घेतली दखल

गायींना गुंगीचे औषध देणाऱ्यांना तात्काळ अटक करून कारवाई करण्याच्या पोलिसांना सूचना

परळी वैजनाथ।दिनांक २५।

गायींना गुंगीचे औषध देऊन त्यांची तस्करी करण्याचा प्रयत्न काही नागरिकांच्या सतर्कतेमुळे फसल्याचा प्रकार शहरात घडल्यानंतर राज्याच्या पशुसंवर्धन मंत्री ना. पंकजाताई मुंडे यांनी याची गंभीर दखल घेतली आहे. या प्रकारामागे जे कोणी असतील त्यांना तात्काळ अटक करावी अशा सूचना त्यांनी पोलिस प्रशासनाला दिल्या आहेत.

संदर्भिय सविस्तर बातमी:■ *खळबळजनक व संताप आणणारी घटना: गाडी घेऊन आले, मध्यरात्रीनंतर गाईंना खाऊ घातल्या गुंगीच्या गोळ्या आणि डांबून घेऊन जाण्याचा प्रयत्न!

    शहरातील स्नेहनगर भागात काल रात्री गायींना खाण्याच्या पदार्थांमधून औषध देण्याचा संतापजनक प्रकार घडला. गायींना बेशुद्ध करून त्यांची तस्करी करण्याचा अज्ञात चोरट्यांचा प्रयत्न होता असा संशय स्थानिक रहिवाशांना आला, त्यांनी सतर्कता दाखवून हा प्रयत्न हाणून पाडला. राज्याच्या पशुसंवर्धन मंत्री ना. पंकजाताई मुंडे यांना हा प्रकार समजताच त्यांनी तातडीने पोलिस अधीक्षक व स्थानिक पोलिस निरीक्षक यांना संपर्क साधून या प्रकारामागे जे कोणी असतील त्यांना तातडीने अटक करून कडक कारवाई करण्याच्या सूचना दिल्या.  गुंगीचे औषध मिश्रित पदार्थ खाल्याने ज्या गायी बाधित झाल्या होत्या त्यावर त्वरेने उपचार करण्यास त्यांनी सांगितल्यानंतर पशुसंवर्धन अधिकाऱ्यांनी उपचार करून चार   गायींना धोक्यात बाहेर काढले, एका गायीवर उपचार सुरू आहेत.

••••