भगवान परशुरामांनी शस्त्र व शास्त्राचा वापर मानव कल्याणासाठी केला - अश्विन मोगरकर
परळी वैजनाथ,प्रतिनिधी....
भगवान विष्णूंचे सहावे अवतार भगवान परशुरामांनी शस्त्र व शास्त्राचा वापर मानव कल्याणासाठी केला असल्याचे प्रतिपादन अश्विन मोगरकर यांनी भगवान परशुराम यांच्या जयंतीनिमित्त आयोजित केलेल्या कार्यक्रमात केले.
गणेशपार भागातील सावळाराम मंदिर येथे भगवान विष्णूंचे सहावे अवतार भगवान परशुराम यांच्या जयंती मंगळवार, 29 एप्रिल रोजी मोठ्या उत्साहात साजरी करण्यात आली. यावेळी बोलताना अश्विन मोगरकर यांनी भगवान परशुराम यांच्या दैवी अवतारावर बोलताना पुढे सांगितले की, फक्त ऋषी म्हणून शास्त्र हाती एव्हढेच नव्हे तर गरज पडली तर शस्त्र हाती घेऊन भगवान परशुरामांनी अत्याचारी राजांना हरवून निशस्त्र केले. मानव कल्याणासाठी उन्मत्त सत्ताधार्यांनी जनतेवर केलेल्या अत्याचाराविरोधात शस्त्र हाती घेतले. प्रारंभी भगवान परशुरामांच्या प्रतिमेस पुष्पहार अर्पण करून कार्यक्रमास सुरुवात करण्यात आली. यावेळी विजय जोशी, धनंजय आढाव, पद्माकर शहाणे, विरकुमार स्वामी, राजेश कौलवार, बालकृष्ण फुले, श्रीपाद चौधरी, गुरुनाथ हालगे, सत्यनारायण मानधने, राहुल पाचेगावकर, लहू हालगे उपस्थित होते. कार्यक्रमाचे प्रास्ताविक व आभार प्रदर्शन विजय जोशी यांनी केले.
टिप्पण्या
टिप्पणी पोस्ट करा