चोऱ्या वाढल्या, नागरिक बेजार : दोन लाख सत्तर हजाराची घरफोडी
सध्या चोऱ्यांचे सत्र मोठ्या प्रमाणावर सुरु झालेले असुन नागरिक बेजार झाले आहेत. वाढलेल्या चोऱ्या आणि सर्व प्रकारच्या चोरट्यांचा धुमाकूळ यामुळे चोऱ्या रोखण्याचे आव्हान पोलिसांसमोर निर्माण झाले आहे. बर्दापुर येथे धाडसी घरफोडी झाली असुन यामध्ये दोन लाख सत्तर हजारांचा ऐवज चोरट्यांनी पळविला आहे.
याबाबत पोलीस सूत्रांकडून प्राप्त अधिक माहितीनुसार, फिर्यादी महेबुब खयुम खुरेशी यांच्या बर्दापूर येथील मावशी बाणु बाबामियाँ कुरेशी यांच्या घरी चोरी झाली.अज्ञात चोरट्याने घरातील रूमचा दरवाजा खालच्या बाजुने तोडुन रूममधिल कपाटाचे लॉक तोडुन कपाटात बाणु बाबामियाँ कुरेशी यांनी ठेवलेले नगदी दोन लाख रूपये व सोन्याच्या पाच ग्रॅम च्या चार अंगठया असे एकुण २,७०,००० रू ऐवज चोरट्याने चोरून नेला. याप्रकरणी बर्दापुर पोलीस ठाण्यात गुन्हा दाखल करण्यात आला आहे.पुढील तपास बर्दापुर पोलीस करीत आहेत.
टिप्पण्या
टिप्पणी पोस्ट करा