पर्यावरण वाचवा-वसुंधरा सजवा.....

झाडे हीच आपली खरी जीवनवाहिनी : विद्यानिकेतन स्कूलने राबवला वसुंधरा दिनाचा आगळावेगळा उपक्रम ! 

परळी वैजनाथ, प्रतिनिधी...

    शहरातील विद्यानिकेतन स्कूलने जागतिक वसुंधरा दिनाच्या निमित्ताने एक आगळावेगळा उपक्रम राबवून पर्यावरण विषयक जनजागृतीचा संदेश दिला.झाडे हीच आपली खरी जीवनवाहिनी हा संदेश यानिमित्ताने विद्यार्थी व पालकांना देण्यात आला.

     परळी शहरातील विद्यानिकेतन स्कूल यांनी जागतिक वसुंधरा दिनानिमित्त पर्यावरण विषयक जाणीव जागृती व्हावी या दृष्टिकोनातून अतिशय स्तुत्य उपक्रम राबविला. वसुंधरा दिनाच्या निमित्ताने शाळेतील विद्यार्थी व पालक यांच्यात जाणीव निर्माण करण्याबरोबरच त्यांच्या पालकांमध्येही पर्यावरण विषयक संवेदना निर्माण करण्यासाठी विविध रोपट्यांचे वितरण करण्यात आले. परंतु हे वितरण करत असताना झाड आणि झाडापासून माणसाला प्राप्त होणाऱ्या ऑक्सिजन निर्मितीचा संदेश दृढ व्हावा या दृष्टिकोनातून झाड आणि ऑक्सिजन किट प्रदर्शित करत  रोपट्यांचे वितरण करण्यात आले. पर्यावरण रक्षण करण्याचा एक आगळावेगळा संदेश या माध्यमातून देण्यात आला. विद्यानिकेतन स्कूलने वसुंधरा दिनाच्या पार्श्वभूमीवर राबवलेल्या या उपक्रमाचे पालकातून कौतुक होत आहे.